ساۋد ارابياسىنا جاقسى جالاقى ىزدەپ، قوناق ۇيلەردە قىزمەت كورسەتۋگە كەلگەن جاس قىزدار سەكسۋالدى قۇلدىقتىڭ قۇربانى بولعان.

قازاقستاننىڭ ساۋد ارابياسىنداعى ەلشىلىگىنىڭ جاردەمىمەن باحرەين پوليتسياسى 21 قر ازاماتشاسىن سەكسۋالدى قۇلدىقتان بوساتتى، – دەپ حابارلادى سىرتقى ساياسات ۆەدومستۆوسىنىڭ ءباسپاسوز قىزمەتى.

قازاقپاراتتىڭ جازۋىنشا، باحرەينگە كەلگەن بويدا ونداعى جۇمىس بەرۋشىلەر قىزداردىڭ قۇجاتتارىن تارتىپ الىپ، جەزوكشەلىكپەن اينالىسۋعا ماجبۇرلەگەن. باعىنباعان جاعدايدا كۇش كورسەتكەن.

قازىرگى ۋاقىتتا بارلىق كۇدىكتىلەر، سونىڭ ىشىندە قازاقستاندىق ازاماتشالار ۇستالىپ، ءتيىستى تەرگەۋ جۇمىستارى جۇرگىزىلۋدە. زارداپ شەككەندەر ارنايى وڭالتۋ ورتالىعىنا ورنالاستىرىلىپ، جۋىق ارادا قازاقستانعا قايتارىلادى.

دەرەككوز: turkystan.kz

Abai.kz