قر پرەزيدەنتى قاسىم-جومارت توقاەۆتىڭ ءالىپبيدى جەتىلدىرۋگە بايلانىستى تاپسىرماسىنا وراي بۇگىن 20 اقپاندا قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن الماتى قالاسىندا «لاتىننەگىزدى قازاق ءالىپبيى: ۇسىنىستار، تالقى جانە ناتيجە» اتتى كەڭەس ءوتتى. بۇل عىلىمي جيىنعا مادەنيەت جانە سپورت ۆيتسە- ءمينيسترى ن.داۋەشوۆ، ءبىلىم جانە عىلىم، اقپارات جانە قوعامدىق دامۋ، تسيفرلىق دامۋ، يننوۆاتسيالار جانە اەروعارىش ونەركاسىبى  مينيسترىلىكتەرى جانە ءتىل ساياساتى كوميتەتى وكىلدەرى مەن ۇلتتىق كوميسسيا جانىنداعى ورفوگرافيالىق، ادىستەمەلىك، تەرمينولوگيالىق، ساراپتاما جانە تەحنيكالىق جۇمىس توپتارىنىڭ مۇشەلەرى بولىپ تابىلاتىن عالىمدار قاتىستى.

جۇمىس توپتارىنىڭ بىرلەسكەن كەڭەسىندە ءۇش ءالىپبي جوباسىن تالقىلاندى. اتاپ ايتقاندا، بۇعان دەيىن بەكىتىلگەن الايدا  جەتىلدىرىلۋ قاجەتتىگى تۋىنداعان اكۋت نۇسقاسى، بالامالى نەگىزدەگى ۋملاۋتتى ءالىپبي جوباسى جانە ا.بايتۇرسىنۇلى اتىنداعى ءتىل ءبىلىمى ينستيتۋتى عالىمدار توبىنىڭ ءالىپبي جوباسى. العاشقى ەكى ءالىپبي جوباسى 14 اقپاندا ءتىل كوميتەتىنىڭ ۇيىمداستىرۋمەن ايماقتاعى ءتىل باسقارمالارىنىڭ ۇيلەستىرۋىمەن رەسپۋبليكالىق كولەمدە فيلولوگ عالىمدار مەن ادىسكەرلەر، جوعارعى جانە ورتا ءبىلىم بەرەتىن وقۋ ورىندارىنىڭ ءتىل ماماندارى اراسىندا اشىق تالقىلاۋدان ءوتتى. ءۇشىنشى جوبا الەۋمەتتىك جەلىلەردى تالقىلاندى. اتالعان ءالىپبي جوبالارىنىڭ قايىسى قولدانۋعا ءتيىمدى ەكەنىن انىقتاۋ ماقستىندا  قر ءبىلىم جانە عىلىم مينيسترلىگىندە وقۋشىلار مەن ستۋدەنتەر اراسىندا  الىپبي جوبالارى بويىنشا سىناما-ساۋالناما جۇمىستارى جۇرگىزىلدى. سونداي-اق، قر تسيفرلىق دامۋ، يننوۆاتسيا جانە اەروعارىش ونەركاسىبى مينيسترىلىگى UNICODE-قا سايكەستىگىن، بانكتەر بانك جۇيەسىندە قولدانىسقا ىڭعايلىلىعى، «نۇر وتان» جاستار قاناتىندا ءالىپبي جوبالارى بويىنشا سىناما-سەمينارلار، ساراپتاۋ جۇمىستارى جاسالىپ، باق-تا ءالىپبيدى جەتىلدىرۋگە بايلانىستى 90-عا جۋىق ماقالا جارىق كوردى.

كەڭەيتىلگەن كەڭەستە وسى تالداۋلار مەن تالقىلاۋلاردىڭ قورىتىندىلارى، ۇسىنىستار جانە سىناما جۇمىستارىنىڭ، ناتەجەلەرى ساراپتامالارى جيناقتالىپ باياندالدى. عالىمدار الىپبيگە  قويىلاتىن مىناداي تالاپتار نەگىزىندە  قازاق ءتىلىنىڭ بارلىق دىبىستارىنىڭ قامتىلۋى; «ءبىر دىبىس - ءبىر تاڭبا» قاعيداتىنىڭ ساقتالۋى;   قوسىمشا دياكريتيكالىق بەلگىلەردىڭ ساباقتاستىعى مەن جۇيەلىلىگى; لاتىن تاڭبالارىنىڭ جانە دياكريتيكالاردىڭ قازاق ءتىلىنىڭ دىبىستارى سيپاتىنا ساي بولۋى; الىپبيدە عىلىمي نەگىزدىلىكتىڭ ساقتالۋى; ءالىپبي تاڭبالارىنىڭ حالىقارالىق فونەتيكالىق ءالىپبي جۇيەسىنە سايكەستىگى; ءالىپبي تاڭبالارىنىڭ UNICODE جۇيەسىنە ساي بولۋى; قازاق ءتىلىنىڭ ءتول تابيعاتىنا ساي الىپبيلىك رەتتىلىكتىڭ ساقتالۋى.

بىرلەسكەن كەڭەستە ءالىپبيدىڭ ءۇش جوباسى بويىنشا ارنايى باياندامالار جاسالىپ، عىلىمي تالقىلاۋ وتكىزىلدى. كەڭەس ءالىپبي جۇمىسىن قورتىندىلاي كەلە تالقىلانعان   جوبالار اراسىنان لايىقتى دەپ تانىلعان ءالىپبي جوباسىن ۇلتتىق كوميسسياعا ۇسىنىلاتىن بولادى.

Abai.kz