بۇگىن ازاماتتىق اۆياتسيا كوميتەتىنىڭ توراعاسى تالعات لاستاەۆ Bek Air ۇشاعى اپاتىنان زارداپ شەككەندەرگە وتەماقى بەرىلگەنىن ايتتى. 

لاستاەۆتىڭ ايتۋىنشا، زارداپ شەككەن 52 ادامعا وتەماقى تولەنگەن.

-مەملەكەت تاراپىنان تولەنۋى ءتيىس وتەماقى بەرىلدى. 52 ادام زارداپ شەكتى. ولارعا وتەماقى بەرىلدى. قازىر ساقتاندىرۋ تولەمدەرى ءجۇرىپ جاتىر. ساقتاندىرۋ كومپانيالارى جايلى ايتاتىن بولساق، بارلىعى قاجەت قۇجات تىزىمىنە بايلانىستى. ول كومپانيا وتەماقىنى تولىق ءوندىرىپ بەرەدى. بۇل ماسەلە ءبىزدىڭ باقىلاۋىمىزدا، - دەدى تالعات لاستاەۆ.

ول سونداي-اق Bek Air بيلەتتەرىنىڭ اقشاسىن قايتارۋعا قاتىستى سۇراقتارعا دا جاۋاپ بەردى.

-بيلەتتەردىڭ ءبىر بولىگىنىڭ اقشاسى قايتارىلدى. قازىرگى ۋاقىتتا تۇتىنۋشىلاردىڭ قۇقىعىن قورعاۋ كوميتەتى سوتقا ارىز بەردى، وسى بيلەتتەردىڭ اقشاسىن قايتارۋ بويىنشا. 100-گە جۋىق ادام حابارلاستى، - دەدى كوميتەت باسشىسى.

ەسكە سالايىق، 27 جەلتوقساندا الماتىدان ەلورداعا ۇشىپ شىققان Bek Air ۇشاعى بيىكتىك جوعالتىپ، اۋەجايدان ۇشىپ شىققان بەتتە قۇلاعان. بورتتا 95 جولاۋشى جانە ەكيپاجدىڭ بەس مۇشەسى بولعان. رەسمي مالىمەت بويىنشا، 12 ادام قازا تاپقان.

ارتىنشا، اپاتتان زارداپ شەككەندەر وتەماقى الا الماي جۇرگەندەرىن مالىمدەگەن بولاتىن.

Abai.kz