بۇگىن الماتى وبلىسى تالعار اۋدانىنىڭ پانفيلوۆ اۋىلىندا بىرنەشە كۇن بۇرىن ءۇيى ورتەنىپ كەتكەن 7 بالالى شەڭگەلباەۆتار وتباسىنا تۇرعىن ءۇي كىلتى بەرىلدى. جەكە مەتسەناتتار وبلىس اكىمى اماندىق باتالوۆتىڭ كاسىپكەرلەرگە جاساعان ۇندەۋىنە ءۇن قوسىپ، ءوز قاراجاتتارىنا قيىن جاعدايدا قالعان وتباسىنا پانفيلوۆ اۋىلىنان اۋماعى 91 شارشى م. باسپانا ساتىپ الىپ بەردى.

كوپ بالالى وتباسىنىڭ جاعدايىنا بايلانىستى "وركەنيەت كونستراكشن" جشس جەدەل ءۇن قاتىپ، 2 كۇن ىشىندە باسپانا الۋ مəسەلەسىن شەشكەن.

بۇگىن وسى ءۇيدىڭ كىلتىن بەرۋ سالتاناتىنا تالعار اۋدانىنىڭ اكىمى جولان وماروۆ پەن سەرىكتەستىك وكىلدەرى جانە اۋدان جۇرتشىلىعى قاتىستى. باسپانانىڭ لەنتاسىن قيۋ، شاشۋ شاشۋ راسىمدەرى اتقارىلعان سوڭ اۋدان əكىمى  جولان وماروۆ ءسوز الىپ، كəسىپكەرلەرگە جۇرتشىلىقتىڭ اتىنان ريزاشىلىعىن ءبىلدىردى. "وبلىس əكىمى اماندىق باتالوۆ وسى وتباسىنىڭ جاعدايىن ەرەكشە تاپسىرعان بولاتىن. ءبىز بيزنەسمەندەرمەن بىرلەسىپ، وسى ءىستى قولعا الدىق. بارلىق جاعدايى بار، گازعا قوسىلعان، اۋماعى كەڭ وسى ءۇيدى بالالاردىڭ يگىلىگىنە ۇسىنىپ وتىرعان كəسىپكەرلەرگە زور العىس ايتامىز", - دەدى ج. وماروۆ. سول سياقتى ول تالعار اۋدانىنداعى ءار وكرۋگتە كوپ بالالى وتباسىلار ءۇشىن كاسىپكەر ازاماتتاردىڭ قولداۋىمەن جۋىردا ءبىر اۋلادا كەمىندە 6 ءۇي سالىناتىن ىرگەلى جوبا باستالاتىنىن قۋانىشپەن جەتكىزدى.

- ءبىز əكىمدىكتىڭ جەتى بالانىڭ تاعدىرىنا الاڭداپ، جاساعان ۇندەۋىنە العاشقى بولىپ ۇسىنىس بىلدىردىك. وسى اۋىلدا ساتىلاتىن 10 شاقتى ءۇيدىڭ ىشىنەن ساپالى، بارلىق قولايلى جاعدايى بار ەڭ جاقسىسىن تاڭدادىق. ماڭايىنا قامقورلىق جاساۋ، كوپكە قول ۇشىن سوزۋ - قارجىسى بار قالتالى ازاماتتاردىڭ پارىزى دەپ بىلەمىن. وسى شاڭىراقتىڭ بالالارى قازاقستاننىڭ ەڭ مىقتى ازاماتتارى بولسىن، - دەپ ءۇيدىڭ قۇجاتتارىن يەسىنە تاپسىرعان سەرىكتەستىك وكىلى جومارت رايىمجانوۆ جشس ديرەكتورلارى ايبەك پەن دۋلات شəكەروۆتەردىڭ اتىنان كەلگەنىن جەتكىزدى.

ءۇي يەسى باۋىرجان شەڭگەلباەۆ وبلىس پەن اۋدان باسشىلارىنا، كəسىپكەر ازاماتتارعا جۇرەكجاردى لەبىزىن ءبىلدىرىپ، العىس ايتتى.

بۇل تۇرعىن ءۇي 4 بولمەلى، 11 سوتىق جەرى، مونشاسى، جەر استى قويماسى، باسقا دا شارۋاشىلىق قاجەتتىلىكتەرى بار. وتاعاسى باۋىرجان شەڭگەلباەۆ قۇرىلىستا جالدامالى جۇمىس جاساسا، وتاناسى بوتاگوز بايتوقوۆا بالاباقشا تəربيەشىسى. 4 بالاسى پانفيلوۆ اۋىلىنداعى №17 مەكتەپتە وقيدى. كوپ بالالى وتباسىنىڭ بالالارى رەتىندە ولارعا ءتيىستى جەڭىلدىكتەر، ماتەريالدىق قولداۋلار كورسەتىلەدى. ورتتەن كەيىن بۇل وتباسىعا ەرىكتىلەر مەن جەرگىلىكتى اكىمدىك تاراپىنان كومەك كورسەتىلگەن. ال بۇگىن ەڭ باستى قاجەتتىلىك – باسپانا ماسەلەسى وسىلايشا شەشىمىن تاپتى.

ەسكە سالساق، 25 اقپان كۇنى پانفيلوۆ اۋىلى ايمانوۆ كوشەسىندەگى ءۇي ورتەنگەن بولاتىن. بۇل ءۇيدى شەڭگەلباەۆتار جالعا الىپ تۇرىپ جاتقان. الدىن الا بولجام بويىنشا ءورت ەلەكتر جارىعى سىمدارىنان شىققان. ءبىر قۋانارلىعى شەڭگەلباەۆتار وتباسىنىڭ مۇشەلەرى تۇگەلدەي امان.

Abai.kz