قوردايداعى قاقتىعىسقا كونتروباندا ءۇشىن تالاس سەبەپ بولعان. اۋدانعا ساپارلاپ بارعان پرەزيدەنت قاسىم-جومارت توقاەۆ وسىلاي دەپ مالىمدەدى. دەسە دە دۇنگەن دياسپوراسىنىڭ وكىلدەرى قازاق حالقىنان كەشىرىم سۇرادى. اۋىلداعى وزگە اقساقالدار بارلىعىن بىردەي جازالاماۋدى ءوتىندى. جامبىلعا ساپارى اياسىندا جەرگىلىكتى دۇڭگەن دياسپوراسىمەن دە جولىعىپ قايتۋدى ماقسات ەتىپتى. اڭگىمە بارىسىندا ولاردى مەملەكەتتىك تىلگە قۇرمەت كورسەتۋ كەرەكتىگىنە ءمان بەردى.

- يا وچەن حوروشو پونيمايۋ دۋنگانسكي يازىك. موگۋ چيتات ي داجە گوۆوريت. ۆوت ناپيسانو چۋن تيان. ەتو وزناچاەت ۆەسنا. وچەن ۆاجنو چتوبى ليۋدي زنالي گوسۋدارستۆەننىي يازىك. وسوبەننو جيۆيا ۆ ەتوي سەلسكوي مەستنوستي. قازاقشا ءبىلۋ كەرەك، دەدى پرەزيدەنت.

مۇنداي قاۋىرت كەزدەسۋگە اقپانداعى قاقتىعىس تۇرتكى بولعانى بەلگىلى. وقيعادان ساباق الۋ كەرەك دەگەن ورتاق وي ايتىلىپ، دۇنگەن اقساقالى كەشىرىم سۇراپ ءسوز الدى.

شيسىر دينلاسون، قورداي اۋدانىنىڭ قۇرمەتتى ازاماتى:    

- بولعان وقيعا ءبارىمىز ءۇشىن وكىنىشتى جاعداي. ءبىز سىزدەن كەشىرىم سۇرايمىز! ءبىز ءالى وسى جاقتا ءومىر سۇرەمىز، ەل يگىلىگى ءۇشىن جۇمىس ىستەيمىز، دەدى ول.

بۇعان دەيىن قاقتىعىسقا جول ەرەجەسىنىڭ بۇزىلۋى سەبەپ بولدى دەپ ايتىلىپ كەلىپ ەدى. باسقا دا تۇرمىستىق فاكتورلار بولعانى جاريالانعان. جەرگىلىكتى تۇرعىندارمەن كەزدەسۋى كەزىندە مەملەكەت باسشىسى ماسەلە شەكاراداعى كونتروباندادان تۋىنداعان دەپ، مۇلدە باسقا نۇسقانى جاريا ەتتى.

قاسىم-جومارت توقاەۆ، قر پرەزيدەنتى:

- اۋداندا ءبىر توپ ادام بەلسەندى تۇردە كونتروباندامەن اينالىسىپ ءجۇر. وسى ىسكە باسقا توپ تا قاتىسقىسى كەلەدى ەكەن. ءبىر سوزبەن ايتساق، زاڭسىز تابىس كوزى ءۇشىن ەكى قىلمىستىق توپتىڭ اراسىندا تەكە-تىرەس پايدا بولدى. بۇل تەكە-تىرەستىڭ سالدارىنان كوپ ادامدار زارداپ شەكتى 11 ادام قازا تاپتى، دەدى مەملەكەت باسشىسى.

اتالعان قىلمىستىق توپتارمەن كۇرەس كۇشەيەتىن سەكىلدى. بىرقاتار ماسەلەلەردىڭ بارىن بىلە تۇرا شارا قىلا الماعان پوليتسيا باسشىلىعى اۋىسقان قازىر. تەرگەۋگە ەندى باسقاشا كوزقاراس بولاتىن سەكىلدى. وسىعان قاراي جەرگىلىكتى اقساقالدار "شاش ال دەسە، باس الۋعا" جول بەرىلمەسە ەكەن دەپ تىلەپ وتىر.

ابدىبەك سەيىلحانوۆ، قورداي اۋىلدىق ارداگەرلەر كەڭەسىنىڭ توراعاسى:

- قازىرگى جاستار البىرت. شاپقىلاپ الگى ىشىندە ءجۇردى ايتەۋىر قاتىسپاسا دا. سونىڭ بارلىعى ەندى تۇگەلىمەنەن ءىستى بولىپ كەتپەسە ەكەن دەپ ويلايمىز. سەبەبى، جاستار ءبىزدىڭ كەلەشەگىمىز. ولار ءىستى بولماي ازداپ زاڭ ادىلدىگىنە قاراپ سونى دۇرىستاپ باعالاپ، سوعان باعا بەرسە ەكەن، دەدى.

پوليتسيا عانا ەمەس، وبلىس باسشىلىعى دا الماسقان ەدى. پرەزيدەنت بۇل رەتتە تاجىريبەسى مول ساپارباەۆتىڭ الدىندا قانداي مىندەت تۇرعانىن اۋىل جۇرتشىلىعىنا تاعى ءبىر قايتالاپ ايتىپ كەتتى.

قاسىم-جومارت توقاەۆ، قر پرەزيدەنتى:

- بۇل ازاماتتى سىزدەر جاقسى تانيسىزدار. تاجىريبەسى مول مەملەكەتتىك قىزمەتشى. ونىڭ الدىندا تۇرعان ماقسات  قاقتىعىسقا، تۇراقسىزدىققا اكەلگەن جاعدايلاردىڭ ءبارىن تۇبەگەيلى جويۋ جانە ءوڭىردىڭ دامۋىنا جاڭا سەرپىن بەرۋ، دەدى.

قوردايداعى جاپپاي قاقتىعىستا 11 ادام كوز جۇمىپ، 170-تەي ازاماتقا دارىگەرلىك كومەك كورسەتىلگەن. 6 ادام ءالى دە ەم قابىلداپ جاتىر. وقيعادان ءبىر ايداي ۋاقىت وتسە دە، ناقتى كەلتىرىلگەن شىعىن كولەمى ءالى ايتىلماي وتىر. تەرگەۋ اياقتالعان سوڭ بەلگىلى بولادى دەيدى تەك 39 تۇرعىن ءۇي، 20 كوممەرتسيالىق نىسان مەن 50-گە جۋىق كولىك وتقا ورانعانى تۋرالى عانا اقپارات بار.

Abai.kz