بەكزات دەگەن ءبىر اعام، ءبىر ءىنىم بار. ەكەۋىنە دە ەل تامسانادى، جۇرت تاڭعالادى. ءبىرى كادىمگى بەكزات ساتتارحانوۆ، ەكىنشىسى بەكزات سماعۇلوۆ. اعا تۇتاتىن بەكزات جايلى ءسوز بولسا سپورت الەمىندەگى ورنىن، بوكستاعى تەڭدەسسىز ونەرىن جىر قىلىپ ايتا بەرۋگە بولا-دى. دەسە دە، ءىنى بەكزات جايلى ءسوز قوزعاعاندى ءجون سەكىلدى.

بالا كەزىنەن كيەلى ساحنا تورىنەن ونەرىن پاش ەتە باستاعان دارىندى ونەرپازعا قول سوعىپ، باس يگەندەر جەتەرلىك. وسىلايشا ساحنادا وسكەن جەتكىنشەكتىڭ، ءبىلىم-عىلىمعا دەن قويىپ ءبىلىمپاز-زەيىندىلىگىمەن دە شارشى جۇرت كوزىنە ءتۇسىپ ءجۇر. ونەر-ءبىلىم سالاسىنداعى جەتىستىكتەرى جايلى ءسوز قوزعاساق،  ۇزاق قيسساعا ارقاۋ بولاتىنى ءسوزسىز. سوندىقتان دا سوڭعى جەتىستىكتەرى جايلى توقتالساق. ءساۋىر ايىندا اقتاۋ قالاسىندا وتكەن رەسپۋبليكالىق پاندىك وليمپيادا دا قۇقىق ساباعىنان بىلىمدىلىگىن دالەلدەپ، باسەكەلەستەرىن وق وزىپ شىعىپ، التىن القامەن كەرەكۋگە ورالدى. ەندى اتالعان قۋانىشتىڭ ۇستىنە قۋانىش قوستى. قالاي دەيسىز عوي... اڭىزداردا قۇدايلار مەكەنى رەتىندە تامساندىراتىن گرەتسيانىڭ حالكيديكي قالاسىندا وتكەن حالىقارالىق عىلىمي جوبالار سايىسىندا ەڭبەگى ەلەنىپ، جارقىراعان كۇمىس القانى ارقالاپ كەلدى. وسىلايشا جۇرتشىلىقتى تاعى دا قۋانىشقا بولەگەن بەكزات ەكىنشى گرانتىن قانجىعاسىنا باستى. جەنىمپاز بەكزاتقا الداعى ۋاقىتتاردا تەك بيىك شىندار تىلەيمىز!

بەكزات دەگەن ءبىر اعام، ءبىر ءىنىم بار. ەكەۋىنە دە ەل تامسانادى، جۇرت تاڭعالادى. ءبىرى كادىمگى بەكزات ساتتارحانوۆ، ەكىنشىسى بەكزات سماعۇلوۆ. اعا تۇتاتىن بەكزات جايلى ءسوز بولسا سپورت الەمىندەگى ورنىن، بوكستاعى تەڭدەسسىز ونەرىن جىر قىلىپ ايتا بەرۋگە بولا-دى. دەسە دە، ءىنى بەكزات جايلى ءسوز قوزعاعاندى ءجون سەكىلدى.

بالا كەزىنەن كيەلى ساحنا تورىنەن ونەرىن پاش ەتە باستاعان دارىندى ونەرپازعا قول سوعىپ، باس يگەندەر جەتەرلىك. وسىلايشا ساحنادا وسكەن جەتكىنشەكتىڭ، ءبىلىم-عىلىمعا دەن قويىپ ءبىلىمپاز-زەيىندىلىگىمەن دە شارشى جۇرت كوزىنە ءتۇسىپ ءجۇر. ونەر-ءبىلىم سالاسىنداعى جەتىستىكتەرى جايلى ءسوز قوزعاساق،  ۇزاق قيسساعا ارقاۋ بولاتىنى ءسوزسىز. سوندىقتان دا سوڭعى جەتىستىكتەرى جايلى توقتالساق. ءساۋىر ايىندا اقتاۋ قالاسىندا وتكەن رەسپۋبليكالىق پاندىك وليمپيادا دا قۇقىق ساباعىنان بىلىمدىلىگىن دالەلدەپ، باسەكەلەستەرىن وق وزىپ شىعىپ، التىن القامەن كەرەكۋگە ورالدى. ەندى اتالعان قۋانىشتىڭ ۇستىنە قۋانىش قوستى. قالاي دەيسىز عوي... اڭىزداردا قۇدايلار مەكەنى رەتىندە تامساندىراتىن گرەتسيانىڭ حالكيديكي قالاسىندا وتكەن حالىقارالىق عىلىمي جوبالار سايىسىندا ەڭبەگى ەلەنىپ، جارقىراعان كۇمىس القانى ارقالاپ كەلدى. وسىلايشا جۇرتشىلىقتى تاعى دا قۋانىشقا بولەگەن بەكزات ەكىنشى گرانتىن قانجىعاسىنا باستى. جەنىمپاز بەكزاتقا الداعى ۋاقىتتاردا تەك بيىك شىندار تىلەيمىز!

گرەتسيادا وتكەن اتالمىش بىلىمدىلەر دوداسىنا ارقانىڭ كەرەكۋ وڭىرىنەن 8 ىزدەمپاز قاتىسىپ، «بىلىمكوكپاردان» 1 التىن، 2 قولا، 5 كۇمىس القامەن ەلگە ورالدى. بۇل جەتىستىكتەرىمەن كەرەكۋ جاستارى قاشاندا ءبىلىم ايدىنىن دا توسەلىپ  شاباتىندىعىن تاعى ءبىر دالەلدەگەندەي بولدى. وسى جەردە «ەرتىس دارىنى» ورتالىعىنا، جەنىمپازدار ۇستازدارىنىڭ ەڭبەكتەرى كەمەل ەكەندىگىن سوزگە تيەك ەتكەن ءجون بولار.

وكىنىش قارمىعان وي. جاقىندا الماتى قالاسىنىڭ اكىمى ا.ەسىموۆ مىرزا گرەتسيدان ورالعان جەڭىمپازدار مەن قاتار قالانىڭ ماقتانىشىنا اينالعان ءبىلىمدى جاستاردى ماراپاتتادى. پا شىركىن، ءوسىپ كەلە جاتقان دارا، دارىندى بىلىمپازدارمەن ماقتاناسىڭ. ەرتەڭگى كۇنىندى قيالمەن شارلايسىڭ. قاس ماعجان اقىننىڭ سەنگەن جاستارى «ءونىپ-ءوسىپ» كەلۋدە. بىراق، جاستاردى قولداۋ، قولپاشتاۋ بىزدە ءوز دەڭگەيىندە ەمەس. بىزدە دەگەنىم پاۆلوداردا. يا، اقتاۋدان جەڭىزپەن كەلگەن جاستارعا، حالكيديكيدە بايراقتى جەلبىرەتىپ قايتقان بولاشاق ورەندەرگە قانداي قۇرمەت كورسەتتىك، اعايىن؟ ءسىرا، «كورمەيتىن تۇيەنىدە كورمەيدى» دەگەن وسى بولار...

ەلميرا ابەتجانوۆا

«اباي-ينفورم»