قازىر ماقساتى بۇلىڭعىر ءدىني اعىمداردىڭ كوبەيىپ، ەلدىڭ ساناسىن ۋلاپ تۇرعان كەزەڭ ەكەنى بەلگىلى. ارينە، باس اينالدىرار توپتارعا توتەپ بەرىپ، جەكە باسىن قورعاۋ ءۇشىن ءاربىر ادامعا ەڭ الدىمەن ءدىني ساۋاتتىلىق كەرەك نەمەسە بۇقارا حالىق الدىندا يمامداردىڭ تۇسىندىرمە جۇمىستارى اۋاداي قاجەت. ولاي بولماسا اعىم كوپ جەردە حالىق قىرىققا بولىنەدىنىڭ كەرى كەلەدى. اللاعا شۇكىر، وسىنداي دەرتتەن ەلدى ساقتاۋ ءۇشىن قىزىلوردا وبلىسىنىڭ ءدىني سالاعا قاتىسى بار ورىندارى ەلدەگى اۋىزبىرشىلىك پەن ءدىن الاۋىزدىعىنا جول بەرمەۋ باعىتىندا ءتيىستى شارالارىن  جاساۋدا.

قازىر ماقساتى بۇلىڭعىر ءدىني اعىمداردىڭ كوبەيىپ، ەلدىڭ ساناسىن ۋلاپ تۇرعان كەزەڭ ەكەنى بەلگىلى. ارينە، باس اينالدىرار توپتارعا توتەپ بەرىپ، جەكە باسىن قورعاۋ ءۇشىن ءاربىر ادامعا ەڭ الدىمەن ءدىني ساۋاتتىلىق كەرەك نەمەسە بۇقارا حالىق الدىندا يمامداردىڭ تۇسىندىرمە جۇمىستارى اۋاداي قاجەت. ولاي بولماسا اعىم كوپ جەردە حالىق قىرىققا بولىنەدىنىڭ كەرى كەلەدى. اللاعا شۇكىر، وسىنداي دەرتتەن ەلدى ساقتاۋ ءۇشىن قىزىلوردا وبلىسىنىڭ ءدىني سالاعا قاتىسى بار ورىندارى ەلدەگى اۋىزبىرشىلىك پەن ءدىن الاۋىزدىعىنا جول بەرمەۋ باعىتىندا ءتيىستى شارالارىن  جاساۋدا.
اتاپ ايتساق، وبلىستىق ىشكى ساياسات باسقارماسىنىڭ، وبلىستىق ادىلەت پەن ىشكى ىستەر دەپارتامەنتتەرىنىڭ ماماندارى جەرگىلىكتى جاماعاتتى رۋحاني بىرلىككە باۋلىپ وتىرعان وبلىستىق «اقمەشىت» ورتالىق مەشىتىنىڭ ءدىن قىزمەتكەرلەرىمەن بىرلەسە وتىرىپ قوعامدا بەلەڭ الىپ بارا جاتقان كەيبىر ءدىني توپتاردىڭ زياندىلىعىن ناسيحاتتاۋ ماقساتىندا كەز-دەسۋلەر وتكىزىپ كەلەدى. وسىنىڭ ناق ايعاعى، جاقىندا قالامىزداعى ىرگەلى جوعارعى وقۋ ورنى «بولاشاق» جانە قىزىلوردا گۋمانيتارلىق ۋنيۆەرسيتەتتەرىندە «جاستار باستامالارىن دامىتۋ» قاۋىمداستىعىنىڭ اياسىندا ستۋدەنتتەرمەن جوعارىدا اتالىپ وتكەن سالا ماماندارى  كەزدەستى.  باسقوسۋدىڭ  نەگىزگى  ماقساتى - ورتالىق مەشىتپەن بىرلەسە وتىرىپ، بۇگىنگى ادام بالاسىن ازعىراتىن زاڭسىز ءدىني ۇيىمدار  مەن اعىمداردىڭ جات ارەكەتتەرىن جاستارعا ءتۇسىندىرۋ. سونداي اعىمداردىڭ ىشىندە «اتا جولى» دەگەن توپ جەرگىلىكتى حالىق ىشىندە وزىندىك جۇمىستارىن جاساپ، كۇش الىپ تۇرعانى بەلگىلى. تۇسىندىرمە توپ وكىلدەرىنىڭ دە نەگىزگى تاقىرىبىنا «اتا جولى» ۇيىمىنىڭ تەرىس تۇستارى ارقاۋ بولدى. كەزدەسۋدە اتالمىش ۇيىمنىڭ نەگىزگى ۇستانىمدارىنىڭ دۇرىس ەمەستىگى ايتىلىپ، ءدىني دە، مەديتسينالىق جانە زاڭدىق تۇرعىدان دا تەرىستىگى بەينە كورىنىستەر ارقىلى جاستار نازارىنا ۇسىنىلدى.
ورتالىق «اقمەشىت» مەشىتىنىڭ نايب يمامى ن.ءابجانوۆ: «بۇگىندە مۇنداي زاڭسىز ازعىراتىن ءدىني اعىمداردىڭ قاتارى كۇننەن-كۇنگە كوبەيۋدە. ونىڭ نەگىزگى سەبەبى تۇرعىنداردىڭ ءدىني ساۋاتىنىڭ ازدىعىنان تۋىنداپ وتىر. «اتا جولى»، «اق سۇڭقار»، «اق تىرنا» سىندى سەكتالار رەسپۋبليكامىزدا دا، وبلىسىمىزدا دا تولىپ ءجۇر. ولاردىڭ سانانى جاۋلاۋ ادىستەرى وتە ىقپالدى»،- دەپ ستۋدەنت جاستارعا كەلەلى وي تاستاپ، اباي بولۋعا شاقىردى. ال، وبلىستىق ىشكى ىستەر دەپارتامەنتىنىڭ وكىلى ر.قاناتباەۆ: «2009 جىلدىڭ 5 اقپانىندا الماتى قالالىق سوتى قازاقستان رەسپۋبليكاسىنىڭ اتىنان «اتا جولى»، «اق جول»، «ءال-ايات» ۇيىمدارىنىڭ قىزمەتىنە توقتام قويدى. سوعان قاراماستان، جىل باسىنان بەرگى 4 اي ىشىندە قىزىلوردا قالاسى مەن اۋداندارىنان بارلىعى 5 وردا انىقتالىپ، ولاردىڭ 3-ەۋىنە شارا قولدانىپ، ايىپپۇلدار سالىندى»،- دەدى زاڭدىق تۇرعىدان. ال، وتكەن جىلعى دەرەكتەرگە سۇيەنسەك، ءبىر عانا قىزىلوردا وبلىسىندا «اتا جولىنىڭ» 24 ورداسى بار ەكەنى انىقتالعان.
مىنە، يسلام ءدىنىنىڭ اتىن جامىلىپ، شاريعات ءىلىمىن تەرەڭ بىلمەستەن قولدارىنا قۇران الىپ، ەلدى ەمدەۋگە شىققان «اتا جولى» اڭقاۋ حالىقتىڭ قالتاسىن قاعىپ، «بيزنەستىڭ» سىپايى ءتۇرىن جاساپ العان. قالتانى قىسقان قازىرگى وتپەلى قيىنشىلىق كەزىندە بۇل ۇيىمنىڭ قارماعىنا جاستار قاتارى دا ءىلىنىپ كەتپەسە ەكەن. ەلدىڭ ەرتەڭىنە سەنىم ارتاتىن بۇگىنگى جاستارىمىز وسىلايشا ءتۇرلى اعىمدار مەن ۇيىمداردىڭ جەتەگىنە ەرىپ، شاشپاۋىن كوتەرىپ جۇرسە، قاۋىپتىڭ ەڭ قاۋىپى وسى ەمەس پە؟!

قايىربەك وتىزباەۆ، قمدب-نىڭ قىزىلوردا وبلىسى بويىنشا وكىلدىگىنىڭ ءباسپاسوز حاتشىسى
http://muftyat.kz