رۋچير شارما دەگەن ەكونوميست ءوز ەڭبەگىندە الەمدەگى بارلىق ميللياردەرلەردى جاقسى جانە جامان ميللياردەرلەر دەپ ەكىگە بولەدى.

جامان ميللياردەرلەر دەگەنىمىز - xالىقتىڭ بايلىعى ەسەبىنەن جاعداي جاساعاندار. ياعني قازاقشا ايتقاندا جەر قويناۋىنداعى بايلىقتى يگەرۋدى جەكەشەلەندىرۋ نەمەسە ۇكىمەتتەگى تانىسى ارقىلى تەندەرمەن ۇتىپ ميللياردەر اتانعاندار. فوربس تىزىمىندەگى قازاقستاندىق ميللياردەرلەردىڭ بارلىعىن وسى كاتەگورياعا جاتقىزۋعا بولادى. ولار ەشقاشاندا xالىقتىڭ ءىلتيپاتىنا يە بولماعان.

ال، جاقسى ميللاردەرلەر دەگەنىمىز - ءوزىنىڭ ءبىلىمى مەن قابىلەتى ارقىلى جەتىستىككە جەتكەن تۇلعالار. ولار باسقاشا ويلاۋىنىڭ ارقاسىندا قوعامعا پايدالى يننوۆاتسيا اكەلىپ جاقسى ميللياردەر اتاندى.

ەلىمىزدە وسى كاتەگورياعا جاتقىزۋعا بولاتىن تۇلعانى بىلمەيدى ەكەنمىن. ال الەم بويىنشا ولارعا فەيسبۋكتىڭ نەگىزىن سالۋشى تسۋكەربەرگ، الي بابا ينتەرنەت دۇكەنىنىڭ نەگىزىن قالاۋشى دجەك ما، تەسلانى نارىققا اكەلگەن يلون ماسكتاردى جاتقىزۋعا بولادى.

بۇل ميللياردەرلەرگە قوعامنىڭ پىكىرى كوبىنەسە ءپوزيتيۆتى. ولاردىڭ جىل سايىن بايلىعىنىڭ كوبەيگەنى ەشكىمنىڭ ىزاسىن كەلتىرمەيدى. جاستار سولاردىڭ ءومىربايانىن وقىپ ۇلكەن موتيۆاتسيا الادى.

سوندىقتان، ەلدىڭ تۇراقتى دامۋىن ماقسات قويعان كەز-كەلگەن ۇكىمەت جاقسى ميللياردەرلەردىڭ قالىپتاسۋىنا لايىقتى جاعداي جاسايدى.

جاسۇلان كۇشەباەۆتىڭ الەۋمەتتىك جەلىدەگى جازباسى

Abai.kz