بۇل كىتاپتاردىڭ باسىم كوپشىلىگى شەتەلدىك اۆتورلار، شەتەلدىك اۆتور كىتابىن ءوز مادەنيەتىنە، ويلاۋ جۇيەسىنە، وزىندىك قاتەلىكتەرىمەن كۇرەسۋگە سايكەس جازاتىنىندا ەسكەرۋ قاجەت. قاتەلىكتەرىڭىزبەن كۇرەسىپ، ومىردە جەتىستىككە جەتكىڭىز كەلسە. ءوز ادەبيەتىڭىزبەن، تاريحىڭىزدى، قيسسالارىمەن، پاراساتتى ويلارىن وقۋعا كەڭەس بەرەمىن. نە سەبەپتى بۇلاي ايتىپ وتىرمىن؟!

عالىمداردىڭ زەرتتەۋى بويىنشا، ادام بالاسى ءوز گەنەتيكاسىنداعى قاتەلىكتى جاسايدى، ياعني اتا-بابامىزدىڭ قاتەلىگىن قايتالايمىز. دالەل كەرەك بولسا، ابايدىڭ قارا سوزدەرى، ولەڭدەرى نەگە ماڭىزدىلىعىن جوعالتپادى. نە سەبەپتى اباي اتامىز بۇگىن ايتقانداي دەيمىز. سەبەبى، ءبىز ءوز گەنەتيكالىق قاتەلىكتەرىمىزبەن جۇمىس جاسامايمىز! ال ءبىز نە ىستەيمىز؟ وزىمىزدەگى پروبلەمانىڭ شەشىمىن سىرتتان ىزدەيمىز.

انالوگيالىق مىسالمەن ايتار بولسام، ءبىزدىڭ ادەبيەتتەرىمىز = ءبىزدىڭ اكەمىز/انامىز، تاريحىمىز، شەتەلدىك ادەبيەتتەر = كورشى سەرگەي نەمەسە دجوننىڭ اكە-شەشەسى. ءوز اكە/شەشەمىزدىڭ اقىل-كەڭەسىنە جۇگىنۋدىڭ ورنىنا كورشىنىڭ اكەسىنە جۇگىنەمىز! سىرتتان قاراساڭ وتە كۇلكىلى، ءارى وكىنىشتى. ازياداعى جالعىز عانا دامىعان جاپونيا مەملەكەتىن اياققا تۇرعىزۋ بارىسىندا، ءوز ادەبيەتى مەن مادەنيەتىن كوتەرۋدى باستى ورىنعا قويدى، ءالى كۇنگە دەيىن سولاي.

ەگەر ماقساتقا جەتكىزىڭىز كەلسە، مۇحتار اۋەزوۆتىڭ: ء“بىر ءىستىڭ بىتۋىنە (ماقساتقا جەتۋىڭە) 3 نارسە كەرەك: اۋەلى نيەت، ەڭبەك جانە ءتارتىپ كەرەك دەپ ايتقان!” قاراپايىم بولسا دا، ماڭىزدىلىعىن جوعالتپاعان. سونىمەن، ماقساتىڭىزعا جەتكىڭىز كەلسە، نيەت - جاساعالى جاتقان ءىسىڭىزدىڭ ماڭىزدىلىعىن ءتۇسىنىپ، قانشالىقتى قالايتىنىڭدى ءبىلىڭىز، ەڭبەك - جۇمىس جاساڭىز، ءتارتىپ - ءبىزدى ازعىراتىن قانشا قىزىق كەلسە دە، ۇيقىمىز كەلسە دە ءتارتىپتى ساقتاڭىز!

مەن ادام دامۋىنا كومەكتەسەتىن كىتاپتارعا قارسى ەمەسپىن، ءبىلىم الىڭىز، دامىڭىز، وقىڭىز! بىراق ءومىرىڭىزدىڭ شام-شىراعى ساف التىنداي ءوز ادەبيەتىڭىز بولسىن.

جالعاسبەك اقبولاتتىڭ الەۋمەتتىك جەلىدەگى جازباسى

Abai.kz