ۋكراينانىڭ بۇرىنعى پرەزيدەنتى پەتر پوروشەنكو ەلدەن كەتتى،-دەپ حابارلايدى ريا نوۆوستي.

پوروشەنكونىڭ ادۆوكاتتارى ونىڭ ۋكراينا اۋماعىنان شىعىپ كەتكەندىكتەن، مەملەكەتتىك تەرگەۋ بيۋروسىنا (GBR)  بارا المايتىنىن ايتتى. الايدا، ولار پوروشەنكونىڭ قاي ەلگە كەتكەنى جونىندە اقپارات بەرمەگەن.

ءبىر كۇن بۇرىن مەملەكەتتىك بيۋرونىڭ ءباسپاسوز قىزمەتى پوروشەنكونىڭ 13 ناۋرىزدا جاۋاپ الۋعا شاقىرىلعانىن حابارلاعان بولاتىن. بىراق، جاۋاپ الۋ ناقتى قانداي جاعدايعا بايلانىستى ەكەنىن ايتپاعان. ال، باق ۋكراينانىڭ بۇرىنعى باسشىسى جاۋاپ الۋ كەزىندە تۇتقىندالۋى مۇمكىن ەكەنىن جازدى.

بۇعان دەيىن «سلۋگا نارودا» پارتياسى فراكتسياسىنىڭ دەپۋتاتى الەكساندر دۋبينسكي پوروشەنكوعا قارسى 2018 جىلعا جالعان اقپارات جاريالاۋ تۋرالى ءىس قوزعالعانىن حابارلادى. پوروشەنكو 6 ناۋرىزدا مەملەكەتتىك تەرگەۋ بيۋروسىنا بارىپ، بۇل ءىستى جابۋدى مىندەتتەيتىن سوت شەشىمى بار ەكەنىن ايتقان. الايدا، ۋكراينانىڭ مەملەكەتتىك تەرگەۋ بيۋروسى مۇنداي حابارلاما الماعانىن حابارلادى.

Abai.kz