قازاقستاندا ەكى ادام كوروناۆيرۋس جۇقتىرعان. بۇل اقپاراتتى قر دەنساۋلىق ساقتاۋ مينيسترلىگى راستادى. 

قر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، اتالعان ۆيرۋستى جۇقتىرعان ەكى ادام گەرمانيادان كەلگەن. ولار 9 جانە 12 ناۋرىزدا ەكى ءتۇرلى ۇشاقپەن ۇشىپ كەلگەن. ءبىر ۇشاقتا بولعان 12 ادامنىڭ بارلىعى كارانتينگە جىبەرىلگەن.

"ۇزاق تەكسەرۋدەن كەيىن ەكى قازاقستاندىق ازاماتتان كوروناۆيرۋس تابىلدى. ولار – گەرمانيادان كەلگەن الماتى قالاسىنىڭ تۇرعىندارى. باس سانيتارلىق دارىگەردىڭ قاۋلىسىمەن، ولار كارانتيندىك ستاتسيونارعا جابىلدى. بارلىق شارالار بۇرىنعى بەكىتىلگەن الگوريتم بويىنشا ەنگىزىلىپ جاتىر. قازىرگى كۇندە پاتسيەنتتەردىڭ جاعدايى جاقسى", - دەدى مينيستر.

ۆيرۋس جۇقتىرعان ازاماتتار تۋرالى اقپارات جاريالانبايدى. بۇل تۋرالى مينيستر ءبىرتانوۆ ايتتى.

ء"بىزدىڭ زاڭدىق تالاپتارعا بايلانىستى ازاماتتاردىڭ جەكە مالىمەتتەرىن جاريالاي المايمىن. ولار - ەر مەن ايەل. ءبىرى گەرمانيادان (ول ەلدى ءبىرىنشى كاتەگورياعا قوسقانعا دەيىن) 9 ناۋرىز كۇنى كەلدى. سول بورتپەن بىرگە كەلگەن 73 ادامدى ەندى كارانتينگە جاۋىپ، تەكسەرەمىز. قايدا ەكەندەرىن بىلەمىز. ەكىنشى ازامات 12 ناۋرىز كۇنى ۇشىپ كەلدى. ول بورتتاعى 85 ادامنىڭ ءبارى كارانتينگە بىردەن جابىلعان", - دەدى ءبىرتانوۆ.

ەسكە سالايىق، مۇنىڭ الدىندا باس سانيتار دارىگەر جانداربەك بەكشين قازاقستانعا 11-16 ناۋرىز ارالىعىندا  كەلەتىنىن ايتقان بولاتىن.

Abai.kz