Қазақстанда екі адам коронавирус жұқтырған. Бұл ақпаратты ҚР Денсаулық сақтау министрлігі растады. 

ҚР Денсаулық сақтау министрі Елжан Біртановтың айтуынша, аталған вирусты жұқтырған екі адам Германиядан келген. Олар 9 және 12 наурызда екі түрлі ұшақпен ұшып келген. Бір ұшақта болған 12 адамның барлығы карантинге жіберілген.

"Ұзақ тексеруден кейін екі қазақстандық азаматтан коронавирус табылды. Олар – Германиядан келген Алматы қаласының тұрғындары. Бас санитарлық дәрігердің қаулысымен, олар карантиндік стационарға жабылды. Барлық шаралар бұрынғы бекітілген алгоритм бойынша енгізіліп жатыр. Қазіргі күнде пациенттердің жағдайы жақсы", - деді министр.

Вирус жұқтырған азаматтар туралы ақпарат жарияланбайды. Бұл туралы министр Біртанов айтты.

"Біздің заңдық талаптарға байланысты азаматтардың жеке мәліметтерін жариялай алмаймын. Олар - ер мен әйел. Бірі Германиядан (ол елді бірінші категорияға қосқанға дейін) 9 наурыз күні келді. Сол бортпен бірге келген 73 адамды енді карантинге жауып, тексереміз. Қайда екендерін білеміз. Екінші азамат 12 наурыз күні ұшып келді. Ол борттағы 85 адамның бәрі карантинге бірден жабылған", - деді Біртанов.

Еске салайық, мұның алдында бас санитар дәрігер Жандарбек Бекшин Қазақстанға 11-16 наурыз аралығында  келетінін айтқан болатын.

Abai.kz