2011 جىلدىڭ 2 قازانىندا، جەكسەنبى كۇنى ساعات 11-دە، قالالىق اكىمشىلىكتىڭ ارنايى رۇقساتىمەن، الماتى قالاسىنداعى «سارىارقا» كينوتەاترىنىڭ ماڭىنداعى الاڭدا «مەملەكەتتىك ءتىلدى قولداۋ» اكتسياسى وتەدى. ال، كينوتەاتردىڭ ارتى... ساياسي قوقىستاردىڭ قونىس تەپكەن ورىنى. بۇل قوقىستا تۇركى حالىقتارىنىڭ بىرلىگىنە تۇرەن سالىپ، زاماناسىن ءبىر ۋىس ەتكەن، «ەزىلگەن قۇل-قۇتاندى» قۇتىرتىپ، قازاقتىڭ موينىنا بوداندىق قامىتىن مىقتاپ ىلگەن لەنيننىڭ قوقىرايعان قورقىنىشتى  ەسكەرتىكىشى تۇر (سۋرەتتەردى قاراڭىز).  سوندىقتان ءبىز ونى «ساياسي قوقىس الاڭى» دەپ اتاعاندى ءجون سانايمىز. قازاقستان بيلىگى الگى ەسكەرتكىشتى ەسكى ۇكىمەت ءۇيىنىڭ الدىنان (الماتى قالاسىنداعى بۇرىنعى مينيسترلەر كابينەتى ورنالاسقان سارايدان) كۇرەپ اپارىپ كۇرەسىنگە تاستاعانىمەن،  «كۇن كوسەمنىڭ» تۇسىنان باستالعان قازاقتى مازاق ەتۋ ويىنىنان باس تارتا الماي كەلەدى. سونىڭ ءبىرى مىسالى - وسى: 3-4 جىلدان بەرگى مەملەكەتتىك ءتىلدى قولداۋ اكتسياسى كوپ كوزىنەن تاسادا، قاعا بەرىس قالتارىستا وتۋدە.  ال، مادەني نە ەلدىك مازمۇنى جوق جىن-ويناقتاردىڭ جيىنى شە؟

2011 جىلدىڭ 2 قازانىندا، جەكسەنبى كۇنى ساعات 11-دە، قالالىق اكىمشىلىكتىڭ ارنايى رۇقساتىمەن، الماتى قالاسىنداعى «سارىارقا» كينوتەاترىنىڭ ماڭىنداعى الاڭدا «مەملەكەتتىك ءتىلدى قولداۋ» اكتسياسى وتەدى. ال، كينوتەاتردىڭ ارتى... ساياسي قوقىستاردىڭ قونىس تەپكەن ورىنى. بۇل قوقىستا تۇركى حالىقتارىنىڭ بىرلىگىنە تۇرەن سالىپ، زاماناسىن ءبىر ۋىس ەتكەن، «ەزىلگەن قۇل-قۇتاندى» قۇتىرتىپ، قازاقتىڭ موينىنا بوداندىق قامىتىن مىقتاپ ىلگەن لەنيننىڭ قوقىرايعان قورقىنىشتى  ەسكەرتىكىشى تۇر (سۋرەتتەردى قاراڭىز).  سوندىقتان ءبىز ونى «ساياسي قوقىس الاڭى» دەپ اتاعاندى ءجون سانايمىز. قازاقستان بيلىگى الگى ەسكەرتكىشتى ەسكى ۇكىمەت ءۇيىنىڭ الدىنان (الماتى قالاسىنداعى بۇرىنعى مينيسترلەر كابينەتى ورنالاسقان سارايدان) كۇرەپ اپارىپ كۇرەسىنگە تاستاعانىمەن،  «كۇن كوسەمنىڭ» تۇسىنان باستالعان قازاقتى مازاق ەتۋ ويىنىنان باس تارتا الماي كەلەدى. سونىڭ ءبىرى مىسالى - وسى: 3-4 جىلدان بەرگى مەملەكەتتىك ءتىلدى قولداۋ اكتسياسى كوپ كوزىنەن تاسادا، قاعا بەرىس قالتارىستا وتۋدە.  ال، مادەني نە ەلدىك مازمۇنى جوق جىن-ويناقتاردىڭ جيىنى شە؟ ول تۋرا ورتالىق الاڭدا، قازاق جاستارىنىڭ قانى توگىلگەن قاسيەتتى الاڭدا، تاۋەلسىزدىك مونۋمەنتىنىڭ  تۇبىندە وتەدى.  24 ساعات رەسەيدىڭ ەستاردالىق اندەرى مەن پوپ جۇلدىزدارىن  ناسيحاتتاۋدان جالىقپايتىن كوممەرتسيالىق راديولاردىڭ تۋعان كۇنى دەيسىز بە،   كەيىنگى كەزدە «الماتى مەنىڭ ىڭكارىم» دەگەن اتقا يە بولعان (ورىسشاسى «الما-اتا مويا پەرۆايا ليۋبوۆ») ىرباقايلاردىڭ ىرجىڭ شوۋى دەيسىز بە ءبارى سول «تاۋەلسىزدىگىمىزدىڭ التىن بەسىگى» (ن. نازارباەۆ) الماتىداعى  تاۋەلسىزدىك مونۋمەنتى تۇعىرىن تاپقان رەسپۋبليكا الاڭىن الاجوڭقا جاسايدى. ال، «مەملەكەتتىك ءتىلدى قولداۋ» اكتسياسىنا بۇيىرعان ورىن «ساياسي قوقىس الاڭى»  بولىپ تۇر. بولسادا قايتەمىز ەندى... «بارامىز» دەسىپ جاتىر جۇرت.  بىراق، قازاق ۇلتىنىڭ ماسەلەسى  قاشانعى قوقىستىڭ ماڭىندا  قارالا بەرمەك؟

«اباي-اقپارات»