قازاقستاندا كوروناۆيرۋس جۇقتىرعان تاعى ەكى ادام انىقتالدى. بۇل تۋرالى قر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ حابارلادى.

بىرەۋى - الماتىدا. 1958 جىلى تۋعان ەر ادام. جەكە كاسىپكەر. ول 10 ناۋرىز كۇنى ماسكەۋدەن ۇشىپ كەلگەن.

ەكىنشىسى - نۇر-سۇلتاندا. ول ۆارشاۆادان (پولشا) ۇشىپ كەلگەن.

قازىرگى تاڭدا قازاقستاندا بارلىعى 6 ادامنان كوروناۆيرۋس انىقتالدى. قاۋىپتى ۆيرۋس بەلگىلەرى انىقتالعان تاعى ءبىر قازاقستاندىق گەرمانيادا.

قر دسم مالىمەتىنشە، قازىر 1090 ادام ستاتسيونارلىق كارانتيندە. ال 452 ادام ءوز ۇيلەرىندە كارانتينگە جاتقىزىلعان.

كوروناۆيرۋس جۇقتىرعان ءتورتىنشى ادام الماتى تۇرعىنى. 1976 جىلى تۋعان. ول 13 ناۋرىز كۇنى گەرمانيادان ۇشىپ كەلگەن.

ونىڭ الدىندا قر دسم ءمينيسترى ەلجان ءبىرتانوۆ قازاقستاندا الماتىدا العاشقى ەكى ادامنان قاۋىپتى ۆيرۋس انىقتالعانىن حابارلاعان. ولار 1974 جىلى تۋعان ەر ادام مەن 1984 جىلى تۋعان ايەل ادام ەدى. ولار گەرمانيادان كەلگەن. كوروناۆيرۋس جۇقتىرعان العاشقى قازاقستاندىق 9 ناۋرىزدا گەرمانيادان كەلگەن. ەكىنشى ادام 12 ناۋرىزدا كەلگەن.

ال 12 ناۋرىزدا ماسكەۋ ارقىلى ميلاننان نۇر-سۇلتانعا ۇشىپ كەلگەن ايەلدەن دە قاۋىپتى ۆيرۋس انىقتالعان.

Abai.kz