"قورعاس" شىحو-دا قىتاي جاعى ءوز جۇمىسىن باستاعانىمەن، قازاقستان تارابى جابىق قالادى. بۇل تۋرالى الماتى وبلىسى اكىمىنىڭ ءباسپاسوز حاتشىسى عالىممۇرات جۇكەل حابارلادى.

"قورعاس بويىنشا! "قورعاس" شەكارا ماڭى ىنتىماقتاستىعى حالىقارالىق ورتالىعى ارنايى قاۋلىعا دەيىن جابىق. بۇل تۋرالى بۇرىن دا ايتقان بولاتىنبىز. جاعداي تۇراقتالماي، جۇمىس جالعاسپايدى. قىتاي تارابى جۇمىسىن باستاسا دا، ءبىز جاق جابىق", دەدى عالىممۇرات جۇكەل.

ەستەرىڭىزگە سالا كەتەيىك، وسىعان دەيىن قىتايدا قاۋىپتى ۆيرۋستىڭ جاپپاي تارالۋىنا بايلانىستى الماتى وبلىسى اكىمدىگى ۇكىمەتكە "قورعاس" شىحو-نى ۋاقىتشا جابۋدى ۇسىنعان.

Abai.kz