قر پرەزيدەنتى اكىمشىلىگىنىڭ فرونت-كەڭسەسى ازاماتتاردى قابىلداۋىن ۋاقىتشا توقتاتتى. مۇنداي اقپارات قر پرەزيدەنتى اكىمشىلىگى قوعامدىق قابىلداۋىنىڭ Telegram-داعى پاراقشاسىندا جاريالاندى.

«كوروناۆيرۋستىڭ تارالۋ قاۋپىن تومەندەتۋ بويىنشا الدىن الا شارالار قابىلداۋ ماقساتىندا پرەزيدەنت اكىمشىلىگىنىڭ فرونت-كەڭسەسى 2020 جىلدىڭ 16 ناۋرىزىنان ازاماتتاردى قابىلداۋدى ۋاقىتشا توقتاتاتىندىعىن حابارلايدى. ەرتەرەك جازىلىپ قويعان ازاماتتار كەزەكتەرىن ساقتايدى جانە قابىلداۋ قايتا باستالعاننان كەيىن جاڭا كەستە تۋرالى قوسىمشا حابارلانادى»، - دەلىنگەن تاراتىلعان اقپاراتتا.

سونىمەن قاتار اتالعان حابارلامادا شاعىمداردى پرەزيدەنتتىڭ ۆيرتۋالدى قابىلداۋ پورتالى، «ە-gov» ەلەكتروندى ۇكىمەتى جانە «قازپوشتا» اق قىزمەتتەرى ارقىلى بەرۋ مۇمكىندىگى ساقتالاتىندىعىن ەسكەرتىلگەن.

Abai.kz