ۇكىمەت وتىرىسىندا قارجى نارىعىن رەتتەۋ جانە دامىتۋ اگەنتتىگىنىڭ توراعاسى مادينا ابىلقاسىموۆا تۇتىنۋشىلىق نەسيە نارىعىندا تاۋەكەلدەردى تومەندەتۋ شارالارى تۋرالى ايتىپ بەردى.

توتەنشە جاعداي كەزىندە تۇتىنۋشىلىق نەسيە بويىنشا قارىز بولسا، ءوسىمپۇل مەن ايىپپۇل ەسەپتەلمەيدى. بانكتەر كاسىپكەرلەرگە قارىزدى كەيىن تولەۋگە مۇمكىندىك جاسايدى.

سونداي-اق،توتەنشە جاعداي كەزەڭىندە جانە تۇلعالاردىڭ بارلىق كەپىلسىز تۇتىنۋشىلىق قارىزى بويىنشا 90 كۇن وتكەن كەزدە سىياقى ەسەپتەۋگە تىيىم سالىنادى.

-قازاقستاندا جەكە تۇلعالاردىڭ تۇتىنۋ قارىزدارى بويىنشا 90 كۇننەن استام مەرزىم وتكەن كەزدە سىياقى ەسەپتەۋگە تىيىم سالىنادى,-دەدى اگەنتتىك ءتورايىمى.

سونىمەن قاتار ول قازاقستاندىقتار قانداي جاعدايدا نەسيە تاريحىن تۇزەي الاتىنى جونىندە ايتىپ ءوتتى.

-جەكە تۇلعالاردىڭ نەسيە تاريحىن قالپىنا كەلتىرۋ ءۇشىن 50 پايىزدان استام مەرزىمى وتكەن بەرەشەكتى 12 ايدا وتەگەن جانە مىندەتتەمەلەردى كەيىننەن ورىنداعان جاعدايدا قارىز الۋشى ءۇشىن جاعىمسىز نەسيە تاريحىن تۇزەتۋ بويىنشا مۇمكىندىك كوزدەلەدى, - دەدى ابىلقاسىموۆا.

ايتا كەتەيىك، وسى ۋاقىتقا دەيىن، ۇلتتىق ەكونوميكا ءمينيسترىنىڭ ورىنباسارى جاسلان ماديەۆ ەلدەگى كۇردەلى جاعدايدى جەڭىلدەتۋ ءۇشىن بىرقاتار شارالار قاراستىرىلىپ جاتقانىن ايتقان بولاتىن.

Abai.kz