قازاقستانىق قور بيرجاسىنداعى (KASE) تاڭەرتەڭگىلىك ساۋدا-ساتتىق ناتيجەسى بەلگىلى بولدى. بۇگىن، 17 ناۋرىز كۇن امەريكالىق ۆاليۋتا بىرلىگى 435,7 تەڭگە بولدى،- دەپ حابارلايدى Nur.kz.

ال، Kurs.kz مالىمەتى بويىنشا، الماتى ايىرباستاۋ نۇكتەلەرىندە ۆاليۋتا ورتاشا 439,5 تەڭگەدەن، ال نۇر-سۇلتان ايىرباستاۋ نۇكتەلەرىندە 440-441 تەڭگەدەن ساتىلىپ جاتىر. ال شىمكەنتتە امەريكالىق ۆاليۋتانىڭ ورتاشا باعاسى 438 تەڭگە بولىپ تۇر.

ايتا كەتەيىك، كۇنى كەشە قازاقستانداعى ايىرباستاۋ نۇكتەلەرىندە اقش دوللارىنىڭ قۇنى ءوسىپ كەتتى. جارتى ساعاتتا امەريكالىق ۆاليۋتانىڭ باعاسى 415 تەڭگەدەن 450 تەڭگەگە دەيىن كوتەرىلگەن.

ال جۇما كۇنى ءبىر دوللار 408 تەڭگەدەن ساتىلعان. بىر اپتا ىشىندە شەتەلدىك ۆاليۋتا 16 تەڭگەگە قىمباتتاسا، ءبىر اي ىشىندە 29 تەڭگەگە وسكەن.

ال وسىعان دەيىن، توعىزىنشى ناۋرىزدا مۇنايدىڭ الەمدىك باعالارى قۇلدىراعاننان كەيىن قازاقستاننىڭ ايىرباستاۋ نۇكتەلەرىندە دوللار باعامى 399 تگ.عا دەيىن كوتەرىلدى.

وسىدان كەيىن قازاقستاننىڭ ۇلتتىق بانكى دۇنيەجۇزىلىك نارىقتىق جاعداي اياسىندا باعا تۇراقتىلىعىن قولداۋ ماقساتىندا بازالىق مولشەرلەمەنىڭ وزگەرگەنىن حابارلادى.

Abai.kz