قازاقستاندا كوروناۆيرۋس ينفەكتسياسىن جۇقتىرعانداردىڭ سانى تاعى 5 ادامعا كوبەيدى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ حابارلادى.

- ولاردىڭ تورتەۋى الماتىدا، بىرەۋى نۇر-سۇلتاندا، - دەدى احمەتشارىپ.

بۇگىن ءبىر كۇندە 22 ادامنىڭ ۆيرۋس جۇقتىرعانى انىقتالىپ وتىر.

17 ناۋرىزىنداعى، ساعات 09:00-دا الماتىدا تاعى 3 ادامنان كوروناۆيرۋس انىقتالعانى حابارلانعان. ال تۇسكى 12:00-دە ەلوردا كوروناۆيرۋس ينفەكتسياسىن جۇقتىرعان 14 ادام انىقتالعانى ايتىلدى.

وسىلايشا، قازاقستان تەرريتورياسىندا Covid-19 ينفەكتسياسىن جۇقتىرعاندار سانى وكىنىشكە وراي 32-گە جەتتى.

مينيسترلىك اقپاراتىنا سەنسەك، پاتسيەنتتەر جانە ولارمەن قارىم-قاتىناستا بولعاندار تۇگەل كارانتينگە جاتقىزىلىپ، وقشاۋلاندى.

Abai.kz