اقتاۋ. 4 قازان. قازتاگ - «ماڭعىستاۋ تاراتۋشى ەلەكتر-جەلىلىك كومپانياسى» اق («متەك» اق) 2011-2013 جىلدار ارالىعىندا ت1,45 ملردينۆەستيتسيالاۋدى جوسپارلاپ وتىر، دەپ حابارلادى كومپانيانىڭ باسقارما توراعاسى ءانۋار بەرلىباەۆ قر تابيعي مونوپوليالاردى رەتتەۋ اگەنتتىگىنىڭ توراعاسى نۇرلان الدابەرگەنوۆتىڭ قاتىسۋىمەن وتكەن كەڭەستە.

ا. بەرلىباەۆ بيىلعى جىلعا كاپيتال سالىمدارىندا ت648 ملن كولەمىندە قاراستىرىلعان سومانى يگەرۋ جوسپارلانعانىن، 2012 جىلى ت548 ملن، 2013 جىلى ت257 ملن سالۋ كوزدەلگەنىن ايتتى.

بۇگىنگى كۇنى «متەك» اق ەلدىڭ قور نارىعىنا ەميتەنت رەتىندە بەلسەندى قاتىسىپ وتىرعان قازاقستاننىڭ جالعىز تاراتۋشى ەلەكتر-جەلىلىك كومپانياسى بولىپ تابىلادى. وسىنىڭ ارقاسىندا كومپانيادا جاڭعىرتۋعا، جاڭا ستانتسيالاردى سالۋعا، جاڭا تەحنولوگيالاردى ەنگىزۋگە باعىتتالعان ينۆەستيتسيالىق جوبالار جاسالدى»، - دەدى «متەك» اق باسشىسى.

ونىڭ ايتۋىنشا، قۇندى قاعازداردى شىعارۋ ەسەبىنەن قارجى تارتىپ، ەلىمىزدىڭ قور نارىعىن ىنتالاندىرا وتىرىپ، «متەك» اق-نىڭ قۇندى قاعازدارى ينۆەستورلار ءۇشىن ليكۆيدتى قۇرالدار بولىپ تابىلادى، ال قۇندى قاعازدار نارىعىنداعى وڭ تاجىريبە ەلەكتر قۋاتى نارىعىنىڭ باسقا قاتىسۋشىلارىن ينۆەستيتسيا تارتۋعا ىنتالاندىرادى.

اقتاۋ. 4 قازان. قازتاگ - «ماڭعىستاۋ تاراتۋشى ەلەكتر-جەلىلىك كومپانياسى» اق («متەك» اق) 2011-2013 جىلدار ارالىعىندا ت1,45 ملردينۆەستيتسيالاۋدى جوسپارلاپ وتىر، دەپ حابارلادى كومپانيانىڭ باسقارما توراعاسى ءانۋار بەرلىباەۆ قر تابيعي مونوپوليالاردى رەتتەۋ اگەنتتىگىنىڭ توراعاسى نۇرلان الدابەرگەنوۆتىڭ قاتىسۋىمەن وتكەن كەڭەستە.

ا. بەرلىباەۆ بيىلعى جىلعا كاپيتال سالىمدارىندا ت648 ملن كولەمىندە قاراستىرىلعان سومانى يگەرۋ جوسپارلانعانىن، 2012 جىلى ت548 ملن، 2013 جىلى ت257 ملن سالۋ كوزدەلگەنىن ايتتى.

بۇگىنگى كۇنى «متەك» اق ەلدىڭ قور نارىعىنا ەميتەنت رەتىندە بەلسەندى قاتىسىپ وتىرعان قازاقستاننىڭ جالعىز تاراتۋشى ەلەكتر-جەلىلىك كومپانياسى بولىپ تابىلادى. وسىنىڭ ارقاسىندا كومپانيادا جاڭعىرتۋعا، جاڭا ستانتسيالاردى سالۋعا، جاڭا تەحنولوگيالاردى ەنگىزۋگە باعىتتالعان ينۆەستيتسيالىق جوبالار جاسالدى»، - دەدى «متەك» اق باسشىسى.

ونىڭ ايتۋىنشا، قۇندى قاعازداردى شىعارۋ ەسەبىنەن قارجى تارتىپ، ەلىمىزدىڭ قور نارىعىن ىنتالاندىرا وتىرىپ، «متەك» اق-نىڭ قۇندى قاعازدارى ينۆەستورلار ءۇشىن ليكۆيدتى قۇرالدار بولىپ تابىلادى، ال قۇندى قاعازدار نارىعىنداعى وڭ تاجىريبە ەلەكتر قۋاتى نارىعىنىڭ باسقا قاتىسۋشىلارىن ينۆەستيتسيا تارتۋعا ىنتالاندىرادى.

ا.بەرلىباەۆ كومپانيانىڭ ينۆەستيتسيالىق جوبالاردى 2004 جىلدان بەرى جۇزەگە اسىرىپ كەلە جاتقانىن ەسكە سالدى. بۇل كەزەڭدە قۇندى قاعازداردى شىعارۋدىڭ ارقاسىندا ءىرى ستراتەگيالىق جوبالار جۇزەگە اسىرىلدى، سونىڭ ىشىندە، قاراجامباس توراپتىق تاراتۋشى پودستانتسياسىن (تتپس) 220 كۆ-قا اۋىستىرۋ، 110 كۆ باۋتينو، 110 كۆ قۇرىق پودستانتسيالارى سالىندى، تاۋشىق، ومىرزاق، دۋنگا، بەينەۋ پودستانتسيالارى جوندەلدى.

«وسىلايشا، بۇگىنگى كۇنى كومپانيا پودستانتسيالاردى جوندەۋ مەن جاڭالارىن سالۋعا، جەلىلەردى كەڭەيتۋگە 7,940 ملرد تەڭگەنىڭ ينۆەستيتسيالارىن باعىتتاپ، جۇمسادى»، - دەدى ا. بەرلىباەۆ.

ن. الدابەرگەنوۆ اكتسيونەرلىك قوعامنىڭ «ومىرزاق» جاڭا پودستانتسياسىندا بولدى. ونىڭ قۋاتى ەكى ترانسفورماتوردىڭ ارقايسىسىندا 16 مۆا-دان 25 مۆا-عا دەيىن ارتتىرىلدى. پودستانتسيانىڭ قۋاتى اقتاۋ حالىقارالىق تەڭىز ايلاعىنىڭ اۋماعى كەڭەيىپ، قۋاتى ارتاتىنىن ەسكەرە وتىرىپ، ايلاقتى تولىعىمەن ەلەكتر قۋاتىمەن قامتاماسىز ەتۋگە مۇمكىندىك بەرەدى.

تمرا توراعاسى كومپانيا ەنگىزىپ جاتقان تەحنولوگيالارعا قىزىعۋشىلىق تانىتتى. مىسالى، «متەك» اق ءونىدىرىس جونىندەگى باسقارۋشى ديرەكتورى مۇرات كارىموۆتىڭ اتاپ كورسەتۋىنشە، پودستانتسيالاردا 110 كۆ-تىق مايلى اجىراتقىشتارىن زاماناۋي اجىراتقىشتارمەن اۋىستىرۋ، يندۋكتسيوندى ەسەپتەگىشتەردى ەلەكتروندىق قۇرالدارمەن اۋىستىرۋ جۇمىستارى جۇرگىزىلىپ جاتىر.

«كومپانيا ەلەكتر قۋاتىن كوممەرتسيالىق ەسەپتەۋدىڭ اۆتوماتتاندىرىلعان جۇيەسىن (ەكەاج) ەنگىزىپ جاتىر. ەكەاج -نى ەنگىزۋ بويىنشا بەكىتىلگەن ينۆەستيتسيالىق باعدارلاماعا سايكەس، «متەك» اق-نىڭ نىساندارىندا ونى كەزەڭ-كەزەڭمەن ەنگىزۋ قاراستىرىلعان، سالىناتىن قارجىنىڭ جالپى كولەمى 465 ملن تەڭگەنى قۇرايدى»، - دەدى م. كارىموۆ.

«جاڭا نىسانداردىڭ ءبارى، سونىڭ ىشىندە، «ومىرزاق» پودستانتسياسى دا ارتىق قۋات قورىمەن سالىندى»، - دەدى ول.

ن. الدابەرگەنوۆ «متەك» اق جۇمىسىنا جوعارى باعا بەرىپ، كومپانيانىڭ قۋاتتارىن قايتا جوندەۋ مەن جاڭعىرتۋ جانە ءنورماتيۆتى تەحنيكالىق شىعىنداردى ازايتۋ باعىتىنداعى ءتيىمدى ينۆەستيتسيالىق شارالارىن اتاپ ءوتتى جانە ۇنەمدەلگەن رەسۋرستاردى ارى قاراي وندىرىستىك قۋاتتاردى جاڭعىرتۋ مەن جاڭا تەحنولوگيالاردى ەنگىزۋگە باعىتتاۋ كەرەكتىگىن ايتتى.