قر دەنساۋلىق ساقتاۋ ءمينيسترى ەلجان ءبىرتانوۆ قازاقستاندا ماسكالاردىڭ بىرىڭعاي باعاسى بەلگىلەنەتىنىن ايتتى. 

"بۇگىن مەملەكەتتىك كوميسسيا ماسكالاردى الىپ-ساتارلاردى جاۋاپكەرشىلىككە تارتۋ ماسەلەسىن، اسىرەسە ينتەرنەتتە ماسكا ساۋداسىمەن اينالىساتىنداردى قاتاڭ جازالاۋ تۋرالى شەشىمدى قولدادى.

قازىر وسى ماسەلە بويىنشا جۇمىستار جۇرگىزىلىپ جاتىر، تاياۋدا باعالاردى بەلگىلەيمىز. ءبىز ماسكالاردى وزىندىىك قۇنىنان تومەن ەتىپ ساتۋعا ماجبۇرلەي المايمىز. دەگەنمەن ماسكالاردى الىپ-ساتۋمەن اينالىسقاندار ايىپپۇل نەمەسە قىلمىستىق جاۋاپكەرشىلىككە تارتىلادى. قازىر زاڭگەرلەرمەن وسى ماسەلەنى قاراستىرىپ جاتىرمىز", - دەدى دەنساۋلىق ساقتاۋ ءمينيسترى.

ءبىرتانوۆتىڭ ايتۋىنشا، بۇگىندە ماسكا ءوندىرىسى ەكى ەسەگە ارتتى.

ەستەرىڭىزگە سالا كەتەيىك، سوڭعى رەسمي دەرەكتەر بويىنشا ەلىمىزدە كوروناۆيرۋس جۇقتىرعاندار سانى 35 ادامعا جەتتى.

Abai.kz