"سۇڭقار" تۇرعىن ءۇي كەشەنى قابانباي باتىر جانە زەنكوۆ كوشەلەرىنىڭ قيىلىسىندا ورنالاسقان. Vلاست ينتەرنەت-جۋرنالىنىڭ قالا اكىمىنىڭ ورىنباسارى ەرجان باباقۇماروۆقا سىلتەمە جاساپ حابارلاۋىنشا، تۇرعىندار اراسىندا جۇقپالى اۋرۋ تاراپ كەتپەس ءۇشىن عيمارات ىشىندە كارانتين ورناتىلعان.

19 ناۋرىز تۇنگى ساعات 00.00-دەن باستاپ كوروناۆيرۋسقا بايلانىستى الماتى مەن نۇر-سۇلتاندا كارانتين ەنگىزىلدى. قالاعا كىرىپ-شىعۋعا شەكتەۋ قويىلادى. 22 ناۋرىزدا ەكى قالاعا قاتىنايتىن پويىزدار مەن ىشكى رەيستەر تولىق توقتايدى.

قازاقستاندا كوروناۆيرۋس جۇقتىرعاندار سانى 36-عا جەتتى. ولاردىڭ 18-ءى - الماتىدا، 18-ءى نۇر-سۇلتاندا ەمدەلىپ جاتىر. ولاردىڭ اراسىندا ەكى بالا بار.

الماتى قالالىق قوعامدىق دەنساۋلىق ساقتاۋ باسقارماسى سارسەنبى كۇنى تۇستەن كەيىن 17 ناۋقاستىڭ جاعدايى - ورتاشا دەپ مالىمدەدى. ولاردىڭ باسىم بولىگى ەۋروپا ەلدەرىنەن ۇشىپ كەلگەن.