«ءسابي» قايىرىمدىلىق قورىنىڭ پرەزيدەنتى جانە نەگىزىن سالۋشى اسەل تاسماعامبەتوۆا مەن قوردىڭ نەگىزىن سالۋشى كەڭەس راقىشەۆ قر دارىلىك زاتتاردى ساراپتاۋ ورتالىعىنا كومەكتەسۋ ماقساتىمەن 100 ميلليون تەڭگەگە كوروناۆيرۋستى انىقتاۋعا ارنالعان 50 000 تەست ساتىپ الۋ ارقىلى كومەك كورسەتتى. سونىمەن قاتار قور قۇنى 10 ميلليون تەڭگەلىك تىنىس الۋعا ارنالعان يۆل V8600 اپپاراتىن دا ساتىپ الادى.

Kaspi.kz باسقارما توراعاسى ۆياچەسلاۆ كيم مەن Kaspi.kz باسقارما توراعاسى ميحايل لومتادزە دە بۇل ماقساتقا 100 ميلليون تەڭگە ءبولدى.

Covid-19 كوروناۆيرۋسىنىڭ تارالۋىنان تۋىنداعان كۇردەلەنگەن جاعدايعا قاراي ەلدە جاريالانعان تج جانە الماتى، نۇر-سۇلتان قالالارىندا جاريالانعان كارانتينگە بايلانىستى قيىن كەزەڭدە «ءسابي» قورى «مەديتسينالىق جوباسىنىڭ» اياسىندا قازاقستان تۇرعىندارىنا كومەكتەسۋ تۋرالى شەشىم قابىلدادى. Kaspi.kz باسشىلارى وسى ماڭىزدى باستاماعا قوسىلۋدى شەشتى.

كوروناۆيرۋستى ۋاقىتىندا، العاشقى كۇندەرى انىقتاپ، ۆيرۋسقا قارسى ەرتەرەك ەم الۋ ومىرلىك ماڭىزى. بۇل ينفەكتسيانىڭ تارالۋ جىلدامدىعىن ازايتادى.

مۇنداي جاعدايدا بيزنەستىڭ الەۋمەتتىك جاۋاپكەرشىلىگى قازاقستان تۇرعىندارىنىڭ ءومىرى مەن دەنساۋلىعى، ەل بولاشاعىنىڭ الدىنداعى جاۋاپكەرشىلىك.

Covid-19 كوروناۆيرۋسىن انىقتاۋعا ارنالعان 100 000 دانا جەدەل تەست «كدل وليمپ» جشس-نە «وليمپ» كلينيكالىق-دياگنوستيكالىق لابوراتوريا بازاسىندا تۇرعىندار اراسىندا تەگىن تەست جۇرگىزۋ ءۇشىن بەرىلەدى.

ايتا كەتەيىك، «ءسابي» قورى 2002 جىلى قۇرىلعان. ونىڭ باستى باعىتتارى بالالاردىڭ دەنساۋلىعى مەن تابيعي دامۋى جانە رۋحاني دامۋ مەن ءبىلىمنىڭ قولجەتىمدىلىگى. ءوز قىزمەتىن قوعامنىڭ قورعالماعان بولىگىنە باعىتتاۋ ارقىلى «ءسابي» قورى جەتىم بالالار مەن اتا-انا قامقورلىعىنسىز قالعان، الەۋمەتتىك جاعدايى تومەن وتباسىلاردان شىققان تالانتتى، دەنساۋلىعىندا كىنارات بار بالالار مەن مۇمكىندىگى شەكتەۋلى ادامدارعا قولداۋ كورسەتۋمەن اينالىسادى.

ال، Kaspi.kz قازاقستانداعى ەڭ ءىرى تولەم جۇيەسى، ساۋدا الاڭى مەن ماقساتى يننوۆاتسيالىق ونىمدەر مەن تولەم، ساتىپ الۋ مەن جەكە قاراجاتتى باسقارۋدى دامىتاتىن قىزمەتتەردى جاساۋ ارقىلى ادامداردىڭ ءومىرىن جەڭىلدەتۋدى ماقسات تۇتاتىن Fintech ەكوجۇيەسىن باسقارادى. ءبىز جەتەكشى تەحنولوگيالار مەن اۋقىمدى مالىمەتتەردى ساراپتاۋدىڭ جەكە تاسىلدەرىن قولدانا وتىرىپ تۇتىنۋشىلارمەن ىقپالداسۋ ارقىلى بىرىڭعاي الاڭ قالىپتاستىرامىز. Kaspi.kz ەكوجۇيەسىنىڭ نەگىزىندە ايىنا 6,0 ميلليون بەلسەندى قولدانۋشىسى بار ەلدەگى جەتەكشى ۇيالى قوسىمشا Kaspi.kz تۇر.

Abai.kz