قازاقستاننىڭ باس سانيتار دارىگەرى جانداربەك بەكشين قىزمەتىنەن كەتتى. بۇل تۋرالى قر دسم رەسمي وكىلى دياس احمەتشارىپ مالىمدەدى.

«قر دەنساۋلىق ساقتاۋ ءمينيسترى ەلجان ءبىرتانوۆتىڭ بۇيرىعىمەن بەكشين جانداربەك مۇحتارۇلى قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى قىزمەتىنەن بوساتىلدى.

بىراق ول دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى جانە قاۋىپسىزدىگىن باقىلاۋ كوميتەتى توراعاسىنىڭ ورىنباسارى قىزمەتىندە قالا بەرەدى. قازىرگى تاڭدا ول جۇمىس بابىمەن الماتىدا ءجۇر.

ونىڭ ورنىنا دەپارتامەنت ديرەكتورى ەشماعامبەتوۆ ايجان سەرىكبايقىزى قازاقستان رەسپۋبليكاسىنىڭ باس مەملەكەتتىك سانيتارلىق دارىگەر قىزمەتىنە تاعايىندالدى»، - دەدى دياس احمەتشارىپ.

جانداربەك بەكشين 2019 جىلدىڭ ماۋسىم ايىنان بەرى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى جانە قاۋىپسىزدىگىن باقىلاۋ كوميتەتى توراعاسىنىڭ ورىنباسارى - باس مەملەكەتتىك سانيتارلىق دارىگەرى قىزمەتىن اتقارعان.

ال، بەكشيننىڭ ورنىنا ايجان ەسماعامبەتوۆا قازاقستاننىڭ باس سانيتارلىق دارىگەرى بولىپ تاعايىندالدى.

ايجان ەسماعامبەتوۆا 2017 جىلدىڭ قاراشاسىنان باستاپ قر دەنساۋلىق ساقتاۋ مينيسترلىگىندە، قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى بولدى. بۇعان دەيىن ول ستراتەگيالىق دامۋ جانە قوعامدىق دەنساۋلىق ساقتاۋ دەپارتامەنتىنىڭ ديرەكتورى، ەپيدەميولوگيالىق قاداعالاۋ دەپارتامەنتىنىڭ ديرەكتورى – قازاقستان باس سانيتار دارىگەرىنىڭ ورىنباسارى قىزمەتتەرىن اتقارعان.

2013-2014 جىلدارى – مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ توراعاسى – باس مەملەكەتتىك سانيتار دارىگەرى بولعان.

Abai.kz