قازاقستاندىق عالىمدار سوvid19 كوروناۆيرۋسىنا قارسى ۆاكتسيانا ازىرلەپ جاتىر. بۇل تۋرالى "coronavirus2020.kz" رەسمي سايتى حابارلادى.

ء"بىلىم جانە عىلىم مينيسترلىگىنىڭ تاپسىرماسى بويىنشا ۇلتتىق بيوتەحنولوگيا ورتالىعى مەن بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى COVID19 كوروناۆيرۋسىنا قارسى ۆاكتسينا جاساۋ بويىنشا بىرلەسكەن جۇمىستى باستادى", - دەپ جازىلعان سايت اقپاراتىندا.

قازىرگى تاڭدا كوروناۆيرۋس ينفەكتسياسىنىڭ جاپپاي تارالۋى الەم حالقىن الاڭداتىپ وتىر. 2019 جىلى قىتايدا سovid19 كوروناۆيرۋسى انىقتالىپ، ددسۇ مۇنى پاندەميا دەپ جاريالادى. شەتەلدىك ەپيدەميولوگتار سوvid19 كوروناۆيرۋسىنىڭ جۇعۋ قاۋپى جوعارى بولۋىنا بايلانىستى ماۋسىمدىق سيپات الۋى مۇمكىن دەپ بولجايدى.

ء"بىزدىڭ ۇيىمداردا جەتكىلىكتى عىلىمي-تەحنيكالىق تاجىريبە جيناقتالعان. تيىمدىلىگى بويىنشا شەتەلدىك انالوگتاردان كەم تۇسپەيتىن وتاندىق پرەپاراتتاردى دايىنداۋ تەحنولوگيالارىن ازىرلەۋ، سىناۋ جانە قامتاماسىز ەتۋ ءۇشىن مۇمكىندىك بەرەتىن قازىرگى زامانعى عىلىمي بازا مەن جوعارى بىلىكتى عالىمدار بار", - دەپ جازىلعان رەسمي اقپاراتتا.

عالىمدار بەس كانديداتتتىق ۆاكتسينا ويلاپ تاپپاق. ولاردىڭ ىشىنەن كلينيكالىق سىناقتاردى وتكىزۋ ءۇشىن ەڭ ءتيىمدىسى تاڭدالادى.

ەسكە سالايىق، قازاقستاندا بارلىعى 49 ادام كوروناۆيرۋس جۇقتىرعان. الماتىدا - 22, نۇر-سۇلتاندا - 25 جانە قاراعاندىدا ەكى ادام ەمدەلىپ جاتىر.

Abai.kz