جاھاندىق كوروناۆيرۋس پاندەمياسى كەزەڭىندە ەل ەكونوميكاسىن تۇراقتىرۋ قامىندا پرەزيدەنت پەن قازاقستان ۇكىمەتى قولعا العان شارالار كەشەنىن دەمەۋگە باعىتتالعان بۇل باستامانى ناقتى قولداۋ رەتىندە ERG قور قۇرۋعا 4,5 ملرد تەڭگە ءبولىپ وتىر.

ەۋرازيالىق توپتىڭ مىڭداعان ەڭبەك ۇجىمى قازاقستان رەسپۋبليكاسىنىڭ تۇڭعىش پرەزيدەنتى، ۇلت كوشباسشىسى نۇرسۇلتان نازارباەۆتىڭ حالىققا ۇندەۋىن جىلى قابىلدادى.

بارشا قازاقستاندىقتار قاتارىندا ءبىزدى دە الەمدەگى سوڭعى وقيعالار قاتتى الاڭداپ وتىر. سەبەبى، كەسەل ءبىزدىڭ ورتاق ءۇيىمىزدى دە اينالىپ وتپەدى. الايدا، وسىنداي سىن ساعاتتا قيىندىقتى قالاي ەڭسەرەتىنىمىز ءارى بۇدان ارعى تاريحىمىزدىڭ قالاي ورىلمەگى تەك ءبىزدىڭ وزىمىزگە بايلانىستى ەكەنىن دە جەتە تۇسىنەمىز. وسى قىسىلتاياڭ شاقتا ەلباسىنىڭ قولداۋى مەن ونىڭ حالىققا دەگەن كامىل سەنىمى بولاشاققا زور ءۇمىت پەن ەرەكشە ۇمتىلىس سىيلاپ وتىر.

ERG قىزمەتكەرلەرى مەن باسشىلىعى ەلدى قولداۋعا ارنالعان رەسپۋبليكالىق قور قۇرۋ باستاماسىن قولدادى. ءبىز ورتاق قاتەرمەن كۇرەستە جۇدىرىقتاي جۇمىلىپ، كۇش بىرىكتىرۋ جايلى دەر كەزىندە جولدانعان ۇندەۋى مەن باستاماسى ءۇشىن نۇرسۇلتان ءابىشۇلىنا العىس ايتامىز. وتكەندى سارالار بولساق، ىنتىماق، بىرلىك پەن كەلىسىم ءاردايىم قازاقستان حالقىنىڭ كەز كەلگەن قاتەرلەردى ەڭسەرىپ، دامۋىنا نىق ىرگەتاس بولىپ كەلدى.

ءبىز بۇل قادام قازاقستاننىڭ بارلىق كاسىپكەرلەرىنە ۇلگى بولىپ، ەلدىڭ كەلەشەگىنە جاۋاپكەرشىلىكتى سەزۋ مادەنيەتىن قالىپتاستىرۋدىڭ باستاۋى بولادى دەگەن ۇمىتتەمىز. ويتكەنى، ءبىزدىڭ قوعامنىڭ الەۋمەتتىك سالاسىنا قوسىلعان ءاربىر ۇلەس كاسىپكەردىڭ تەك قايىرىمدىلىق ميسسياسى مەن مىندەتى عانا ەمەس، كەلەشەكتە بيزنەستىڭ ورنىقتى دامۋىنا قۇيىلىپ جاتقان بەرىك ىرگەتاس.

ۇلت كوشباسشى ءوز ۇندەۋىندە «وسىنداي قيىن ساتتەردە ەش ۋاقىتتا شەتتە قالىپ كورمەگەن وتاندىق كاسىپكەرلەر قور قۇرۋدا دا قولعابىس ەتەر» دەگەن سەنىم بىلدىرگەن بولاتىن. ERG-ءدىڭ 25 جىلدىق شەجىرەسى تاۋەلسىز قازاقستان تاريحىمەن قاتار ورىلگەن. جاس مەملەكەت پەن توپتىڭ نىعايۋى مەن ورلەۋى، حالقىمىز بەن قىزمەتكەرلەرىمىزدىڭ ورتاق تاعدىرىن ءبىر-بىرىنەن ءبولىپ قاراۋ مۇمكىن ەمەس. سول سەبەپتى، وسىنداي كۇردەلى تۇستاردا ەلگە، ءبىزدىڭ «تۋعان جەرگە» قولداۋ كورسەتۋىمىز حالىق الدىنداعى قالىپتى جاۋاپكەرشىلىگىمىزدىڭ ءبىر كورىنىسى عانا.

قازىرگى تاڭدا الەمدىك قاتەر الدىندا ءبارىمىز – پەشتە جالىندى اۋىزدىقتاعان بالقىتۋشى، جەر استىندا ەل يگىلىگىنە ەڭبەك ەتىپ جاتقان كەنشى، ۇڭعىلاۋشى، ماشينست، ەنەرگەتيك، گەولوگتار مەن تىڭ تەحنولوگيا ازىرلەۋشىلەر، توپ-مەنەدجەرلەر مەن قاراپايىم ەڭبەك ادامدارى ءبارىمىز تۇگەل بىردەيمىز. الايدا، قۋاتتى كومپانيا مەن الىپ ەل كۇش بىرىكتىرسەك، بۇل قاتەردى دە ەڭسەرە الامىز. ەلدە توتەنشە جاعداي جاريالانعانىنا قاراماستان، ءبىز بارلىق ءوندىرىستىڭ ءۇزىلىسسىز، تۇراقتى جۇمىس ىستەپ تۇرۋىن قامتاماسىز ەتىپ وتىرمىز. ءبىزدىڭ شاحتالار مەن كەنىشتەردە ەرتەڭ ماشينالار مەن ۇشاق وندىرۋگە قاجەتتى پايدالى قازبالار ءوندىرىلىپ جاتىر. زاۋىتتار ەرتەڭ ادام ءومىرىن اجالدان اراشالاپ الىپ قالار سكالپەلدەر وندىرىلەتىن مەتالدى بالقىتىپ جاتىر. ءبىزدىڭ ستانتسيالار ەڭ ماڭىزدى نىساندار – باسپانالار مەن اۋرۋحانالاردى جىلۋ، جارىقپەن ۇزدىكسىز قامتاماسىز ەتۋ ءۇشىن دامىلسىز سەكۋند سايىن قۋات ءوندىرىپ تۇر. ءبىز بولاشاققا نىق سەنىممەن قادام باسىپ، مىڭداعان وتانداسىمىزدى ەڭبەكپەن قامتىپ، سالىق تولەۋدى جالعاستىرا بەرەمىز.

بۇل كۇندەرى ءاربىر ەۋرازيالىق ءوزىنىڭ ەل عانا ەمەس، ءوزىنىڭ جانە ەت جاقىندارىنىڭ الدىنداعى جاۋاپكەرشىلىگىن جەتە تۇسىنەدى. ERG-ءدىڭ بارلىق كاسىپورىندارىندا كۇشەيتىلگەن قاۋىپسىزدىك ءتارتىبى ەنگىزىلدى. كارانتين جاريالانعان سوڭ، نۇر-سۇلتان مەن الماتى قالالارىنداعى قىزمەتكەرلەر تۇگەل، اقتوبەدەگى مامانداردىڭ ءبىر بولىگى قاشىقتان جۇمىس ىستەۋگە كوشىرىلدى.

ەلباسى ۇندەۋىندە ايتقانداي، ءبىزدىڭ ەل ءوز تاريحىندا تالاي قاتەرلى كەزەڭدەردى ىنتىماقپەن ەڭسەرىپ، وتان قامى ءۇشىن ەرىنبەي ەڭبەك ەتىپ كەلدى. كەشەگى وتكەن كەزەڭدەرگە كوز جۇگىرتسەڭىز، توقىراۋ كەزەڭىنەن دە ءوتىپ، تۇرالاپ قالعان ەلدى قالپىنا كەلتىرىپ، جاڭا ءوندىرىس اشىپ، زاۋىتتارىمىزدى قالپىنا كەلتىردىك. وسى ورايدا، ءار سىناق ءبىزدى تەك شىنىقتىرا تۇسەرىن، دامۋدىڭ جاڭا ساتىسىنا جەتەلەيتىنىن تەرەڭ تۇسىنەمىز.

الەمدەگى قازىرگى احۋال قازاقستاندىقتاردى كەلەشەكتە ءوزارا جاۋاپكەرشىلىككە نەگىزدەلگەن قوعامدىق سانانىڭ جاڭا دەيىنە جەتەلەرىنە سەندىمىز. كوشباسشىنىڭ سىندارلى سوزدەرى مەن كورەگەن باستامالارى كەزەكتى رەت ءبىزدى گۇلدەنۋ مەن جاڭا مۇمكىندىكتەر جولىنا باستاعالى تۇر!