18 ناۋرىزدا وتكەن ءماجىلىستىڭ القا-قوتان جيىنىندا توراعا نۇرلان نىعماتۋلين پارلامەنتتىڭ تومەنگى پالاتاسى قاشىقتىقتان جۇمىس ىستەۋ رەجيمىنە كوشەتىنى تۋرالى ايتقان بولاتىن.

«ەلىمىزدە قالىپتاسقان توتەنشە جاعدايعا جانە قالامىزدا كارانتين جاريالاۋعا بايلانىستى ءماجىلىستىڭ دە جۇمىس رەجيمى وزگەرەتىن بولادى. ەرتەڭنەن باستاپ، ءماجىلىس جۇمىسىنىڭ باسىم بولىگى باسقا فورماتقا كوشەدى. بۇل ءاربىر ازاماتتىڭ قاۋىپسىزدىگىن ساقتاۋ ءۇشىن جاسالىپ جاتقان شارالار»، - دەگەن نىعماتۋلين.

ال ءماجىلىستىڭ بۇگىنگى وتىرىسىن باستاردا توراعا نۇرلان زايروللاۇلى 65 جاستان اسقان دەپۋتاتتاردىڭ جيىنعا شاقىرىلماعانىن ايتىپتى.

«بۇگىنگى جالپى وتىرىستىڭ فورماتى ءبىرشاما وزگەردى. ءبىزدىڭ كەيبىر ارىپتەسىمىز بۇگىنگى وتىرىسقا قاتىسقان جوق. بىراق، الاڭداماڭىزدار، ءبارى امان، دەنى ساۋ. ءبىز جاسى 65-تەن اسقان كەيبىر ارىپتەسىمىزگە دۇنيەجۇزىلىك دەنساۋلىق ساقتاۋ ۇيىمى ۇسىنىمدارىنا سايكەس جالپى وتىرىستارعا قاتىسپاي، ۇيدە وتىرۋعا كەڭەس بەردىك»، - دەپتى سپيكەر.

ءارى قاراي: «ددسۇ-نىڭ سانيتارلىق نورمالارىنا سايكەس دەپۋتاتتاردىڭ وتىراتىن ورنى دا وزگەردى. قۇددى بيزنەس كلاستاعىداي»، - دەپ ازىلدەپتى دە.

توراعانىڭ سوزىنشە، توتەنشە جاعدايعا، قالادا جاريالانعان كارانتينگە بايلانىستى ماجىلىستەگى 65-تەن اسقان دەپۋتاتتار «كەزەكسىز دەمالىسقا» شىققان ەكەن.

ال ماجىلىستە ءۇش ساياسي پارتيادان ءھام اسسامبلەيا دەيتىن ايدىك ۇيىمنان تاڭدالىپ، ىرىكتەلگەن 107 دەپۋتات بار. ولاردىڭ قانشاسى زەينەت جاسىندا؟ 65-تەن اسقان دەپۋتاتتار كىمدەر؟ بىلە جۇرىڭىزدەر...

65-تەن اسقان دەپۋتاتتار ء(تىزىم)

ۆلاديسلاۆ كوسارەۆ

بيىل 83-تە. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. قازاقستان كوممۋنيستىك حالىق پارتياسى ورتالىق كوميتەتىنىڭ قۇرمەتتى حاتشىسى. 2012 جىلدان بەرى دەپۋتات.

قۋانىش سۇلتانوۆ

بيىل 75-تە. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. 2001 جىلدان بەرى دەپۋتات. 2012 جىلدان باستاپ ماجىلىستە. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

تۇرعىن سىزدىقوۆ

بيىل 73-تە. ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى. 2016 جىلدان بەرى دەپۋتات. ماجىلىستەگى قازاقستان كوممۋنيستىك حالىق پارتياسى فراكتسياسى پرەزيديۋمىنىڭ مۇشەسى. 2015 جىلى پرەزيدەنتتىككە ۇمىتكەر بولعان.

باقتىقوجا ىزمۇحامبەتوۆ

بيىل 72-دە. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. 2012 جىلدان بەرى دەپۋتات. بىرنەشە وبلىستا اكىم بولعان.

ۆلاديمير بوجكو

بيىل 71-دە. ءماجىلىس توراعاسىنىڭ ورىنباسارى. 2016 جىلدان بەرى دەپۋتات. وعان دەيىن بىرنەشە مينيسترلىكتى باسقارعان.

قابيبوللا جاقىپوۆ

بيىل 71-دە. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. 2007 جىلدان باستاپ ماجىلىستە. 2012 جىلى ءماجىلىس توراعاسى بولدى. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

جەكسەنباي دۇيسەباەۆ

بيىل 70-تە. اگرارلىق ماسەلەلەر كوميتەتىنىڭ حاتشىسى. 2007 جىلدان بەرى دەپۋتات. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

گۇلجان قاراقۇسوۆا

بيىل 70-تە. قارجى جانە بيۋدجەت كوميتەتىنىڭ ءتورايىمى. 2007 جىلدەن بەرى دەپۋتات. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

شايماردان نۋرۋموۆ

بيىل 70-تە. ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى. 2012 جىلدىڭ 26 مامىرىنان «قازاقستان ۇيعىرلارىنىڭ رەسپۋبليكالىق ەتنومادەنيەت ورتالىعى» قوعامدىق بىرلەستىگىنىڭ توراعاسى.

سەرىك ۇمبەتوۆ

بيىل 70-تە. اگرارلىق ماسەلەلەر كوميتەتىنىڭ مۇشەسى. 2012 جىلدان بەرى دەپۋتات. الماتى وبلىسىندا اكىم بولعان.

ساۋىتبەك ءابدىراحمانوۆ

بيىل 69-دا. الەۋمەتتىك-مادەني دامۋ كوميتەتىنىڭ مۇشەسى. 2016 جىلىدان بەرى ءماجىلىس دەپۋتاتى. قازاقستان حالقى اسسامبلەياسىنان سايلانعان.

اباي تاسبولاتوۆ

بيىل 69-دا. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. 2012 جىلدان بەرى دەپۋتات. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

جانات جاراسوۆ

بيىل 69-دا. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. 2012 جىلدان باستاپ ماجىلىستە. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

احمەت مۋرادوۆ

بيىل 69-دا. ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى. 2012 جىلدان بەرى دەپۋتات. قازاقستان حالقى اسسامبلەياسىنان سايلانعان.

ەرسۇلتان بەكتۇرعانوۆ

بيىل 68-دە. 2012 جىلدەن بەرى ءماجىلىس دەپۋتاتى. «نۇر وتان» پارتياسىنىڭ مۇشەسى، پارتيالىق ءتىزىم بويىنشا سايلانعان.

باقىتجان ەرتاەۆ

بيىل 68-دە. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. 2012 جىلدان بەرى دەپۋتات. «نۇر وتاننىڭ» پارتيالىق ءتىزىمى بويىنشا سايلانعان.

ءبايدىلدا جىلقىشيەۆ

بيىل 68-دە. اگرارلىق ماسەلەلەر كوميتەتىنىڭ مۇشەسى. 2016 جىلدان بەرى دەپۋتات. «نۇر وتان» پارتياسىنىڭ مۇشەسى.

اسقار بازارباەۆ

بيىل 66-دا. 2012-2016 ج.ج. – بەسىنشى سايلانعان پارلامەنت ءماجىلىسىنىڭ دەپۋتاتى. 2016 جىلعى ناۋرىزدان باستاپ - VI سايلانعان ءماجىلىستىڭ دەپۋتاتى. ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى. «نۇر وتان» پارتياسىنىڭ فراكتسياسى جەتەكشىسىنىڭ ورىنباسارى.

گالينا بايماحانوۆا

بيىل 66-دا. 2012 جىلدان بەرى ءماجىلىس دەپۋتاتى. زاڭناما جانە سوت-قۇقىقتىق رەفورما كوميتەتىنىڭ مۇشەسى. قازاقستان حالىقتىق كوممۋنيستىك پارتياسى ورتالىق كوميتەتىنىڭ مۇشەسى. الماتى قالالىق حالىقتىق كوممۋنيستىك پارتياسى كوميتەتىنىڭ ءبىرىنشى حاتشىسى. «حالىق كوممۋنيستەرى» فراكتسياسىنىڭ وكىلى. «قازاقستان حالقى اسسامبلەياسى» دەپۋتاتتىق توبىنىڭ مۇشەسى.

ومارحان وكسىكباەۆ

بيىل 66-عا تولادى. قارجى جانە بيۋدجەت كوميتەتىنىڭ مۇشەسى. 2012 جىلدان بەرى دەپۋتات. «نۇر وتان» پارتياسىنىڭ مۇشەسى.

ميحايل چيركوۆ

بيىل 66-دا. حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى. رەسەيدە تۋعان. 2016 جىلدان باستاپ دەپۋتات. «نۇر وتان» پارتياسىنىڭ مۇشەسى.

رومان كيم

بيىل 65-كە تولادى. اگرارلىق ماسەلەلەر كوميتەتىنىڭ مۇشەسى. 2012 جىلدان بەرى دەپۋتات. قازاقستان حالقى اسسامبلەياسىنان سايلانعان.

ەكاتەرينا نيكيتينسكايا

بيىل 65-تە. قارجى جانە بيۋدجەت كوميتەتىنىڭ مۇشەسى. 2012 جىلدان بەرى دەپۋتات. «اق جول» قازاقستان دەموكراتيالىق پارتياسىنىڭ مۇشەسى.

بۇلاردىڭ سىرتىندا 62-63 جاسقا تولىپ قويعان ايەل ءھام ەر دەپۋتاتتار قانشاما؟..قاراڭىز. بۇل ازاماتتار زەينەت جاسىنا تولعان نەمەسە بيىل تولاتىن دەپۋتاتتار.

زەينەت جاسىنداعى:

مايرا ايسينا (64 جاس),

يرينا ارونوۆا (63 جاس),

سۆەتلانا بىچكوۆا (63 جاس),

گۇلميرا يسيمباەۆا (63 جاس),

زاۋرەش امانجولوۆا (62 جاس),

زاعيپا باليەۆا (62 جاس),

قۇرالاي قارەكەن (62 جاس),

تاتيانا ياكوۆلەۆا (62 جاس).

ۆاسيلي ولەينيك (64 جاس),

بەيبىت مامراەۆ (63 جاس),

سەرىك سەيدۋمانوۆ (63 جاس).

ءتۇيىن. مىنە، بىزدەگى جاعداي وسىلاي...ءبىز وسىعان دەيىن پارلامەنتتىڭ جوعارعى پالاتاسى - سەناتتاعى زەينەتكەرلەر تۋرالى ءبىردى-ەكىلى ماقالا جازدىق. ارقايسىنىڭ اتىن اتاپ، ءتۇرىن تۇستەپ كورسەتتىك. بۇلاردان بولەك سۇلەيمەنوۆ، اۋەزوۆ پەن شارمانوۆ بىرىگىپ «اقساقالدار القاسىن» قۇردى. قويشى، نەسىن سۇرايسىز...

قازاقستاننىڭ نەگىزگى زاڭ شىعارۋشى ورگانى سانالاتىن پارلامەنتتىڭ تومەنگى پالاتاسىنداعىلاردى جوعارىدا تاعى جازدىق. ىڭعاي «پەنسيونەرلەر». ىڭعاي الپىستان اسقان اتالار مەن اپالار!

ساياساتكەر دوس كوشىم: «جاسى 60-تان اسقان، نەمەسە 60-قا جەتكەندەردىڭ ساياساتتاعى ءرولى – كەڭەسشى عانا»، دەيدى. ابدەن ءجون ءسوز. سولاي بولۋى ءتيىس تە! بۇگىنگى كارانتينگە بايلانىستى كانيكۋل العان دەپۋتاتتاردىڭ ورنىنا جاس بۋىننىڭ، جاڭا بۋىننىڭ كەلەتىن كەزى جەتكەن-اق! بيلىككە ءۇشىن، پارلامەنت ءۇشىن زەينەتتەگى قاريالاردان گورى جاستاردىڭ ءۇنى ماڭىزدى بولۋى كەرەك ەدى.

ءاي، بىراق... الدى 10-15 جىلدان دەپۋتاتتىق كرەسلودا وتىرعان جوعارىداعى كوممۋنيست-كومسومول اتا-اپالار تاۋەلسىز قازاقستان تاربيەلەپ شىعارعان جاستارعا ورىن بەرە قويسىن...ايتپەسە، 80-نەن اسقان كوسارەۆتار مەن، 80-گە جەتە قالعان سۇلتانوۆتار بەينەتىنىڭ زەينەتىن كورەر ۋاعىندا كرەسلو جاعالاپ جۇرەر مە ەدى...

Abai.kz