گۇلشارا ابدىقالىقوۆا قىزىلوردا وبلىسىنىڭ اكىمى بولىپ تاعايىندالدى
پرەزيدەنت توقاەۆتىڭ جارلىعىمەن گۇلشارا ابدىقالىقوۆا قىزىلوردا وبلىسىنىڭ اكىمى بولىپ تاعايىندالدى،- دەپ حابارلايدى akorda.kz.
مەملەكەت باسشىسىنىڭ جارلىعىندا:
گۇلشارا ناۋشاقىزى ابدىقالىقوۆا قىزىلوردا وبلىسىنىڭ اكىمى بولىپ تاعايىندالسىن،- دەلىنگەن حابارلامادا.
مەملەكەت باسشىسىنىڭ جارلىعىمەن قۋانىشبەك دوسمايىلۇلى ىسقاقوۆ قىزىلوردا وبلىسىنىڭ اكىمى قىزمەتىنەن بوساتىلدى.
ايتا كەتەيىك، كەشە الەۋمەتتىك جەلىدە قىزىلوردا وبلىسىنىڭ اكىمى بولعان قۋانىشبەك ىسقاقوۆپەن قاسىنداعى سەرىكتەرىنىڭ ۇستالعانى تۋرالى اقپارات تاراعان بولاتىن. الايدا، اتالعان جايتا قاتىستى ءىىم مەن سىبايلاس جەمقورلىققا قارسى قىزمەت رەسمي جاۋاپ بەرمەدى.
ول 2019 جىلدىڭ ماۋسىم ايىندا قىزىلوردا وبلىسىنىڭ اكىمى بولىپ تاعايىندالعان بولاتىن.
Abai.kz
