2.2 ميلليون امەريكالىق ۆيرۋستان ءولۋى مۇمكىن
اقش كوروناۆيرۋس جۇقتىرعانى انىقتالعاندار سانى بويىنشا ءبىرىنشى ورىنعا شىققانىن بىلەسىز. دجون حوپكينس ۋنيۆەرسيتەتىنىڭ رەسۋرس ورتالىعى سايتىندا اقش-قا جارتى ساعاتتا 1200 كەيس قوسىلدى. مۇنداي تەز ءوسىمدى ەلەستەتۋ قيىن.
ءدال قازىر اقش-تا 95 مىڭ ادام انىقتالىپ وتىر. ال يتاليا قىتايدى باسىپ وزعالى تۇر.
Imperial College London زەرتتەۋىنشە، اقش ءۇشىن ەڭ ناشار ستسەناري جاز سوڭىنا دەيىن 2.2 ميلليون ادامنىڭ ءولىمى ەكەن. بۇل تەك ۆيرۋستان قايتىس بولاتىن ادامدار سانى. وعان، ارينە، كولىك اپاتى، ينفاركتان نەمەسە وزگە دە جاعدايلاردا قايتىس بولاتىندار كىرىكتىرىلمەگەن. اقش-تا ادام سانىنا ەسەپتەگەندە ەمحاناداعى جاتىن ورىندار سانى يتالياداعىدان از ەكەن. ICL عالىمدارى ءساۋىردىڭ سوڭىنا قاراي اقش ەمحانالارىندا ورىن قالمايتىنىن جازادى. ال ماۋسىمعا قاراي، ءاربىر جاتىن ورىنعا 15 ۆيرۋس جۇقتىرعان ادام تۋرا كەلەدى.
وكىنىشتىسى، ترامپ ءوزى وتكەن اپتانىڭ سارسەنبىسىندە ايتقان Defense Production اكتىن قولدانا الماپتى. وعان اقش-تىڭ ساۋدا مينيسترلىگى مەن الىپ كورپوراتسيالاردىڭ جەتەكشىلەرى كەدەرگى بولىپتى. سوعىستىڭ ءوزىن بيزنەس دەۋشى ەدى عوي. سول سياقتى قازىرگى پاندەميادا دا كورپوراتتار وزدەرىنە ءتيىمدى ۇسىنىس بولماسا، ىستەمەيتىن بولىپ وتىر. بۇل پاندەميا كەزىندە امەريكالىقتارعا قاجەت ماسكا، ارنايى مەديتسينالىق كيىمدەر، توسەك ورىنداردى دايىنداۋ تاعى دا كەيىنگە قالدىرىلىپ وتىر دەگەن ءسوز. ال مەديتسينا قىزمەتكەرلەرىنە قاجەت كيىمدەر مەن ماسكالار جەتكىلىكسىز بولسا، ولار دا جۇقتىرادى. مىسالى، يتاليادا 4000 مەديتسينا قىزمەتكەرى ۆيرۋس جۇقتىرىپ ۇلگەرگەن.
ال پەنسيلۆانيا ۋنيۆەرسيتەتى عالىمدارىنىڭ زەرتتەۋىنشە، امەريكالىقتار ارا قاشىقتىقتى ساقتاپ جۇرسە، ۆيرۋستىڭ تارالۋى 95 پايىزعا تومەندەيدى. بىراق سونىڭ وزىندە 960 مىڭ امەريكالىققا مەديتسينالىق كومەك قاجەت بولادى ەكەن. ال اقش-تا قازىرگى تاڭدا 180 مىڭ ۆەنتيلياتور بار جانە اقش دەنساۋلىق ساقتاۋ قىزمەتكەرلەرى بار بولعانى 100 مىڭ ادامعا ءبىر قۋاتتا قىزمەت كورسەتە الادى.
The Endgame: ۆيرۋستىڭ سوڭعى قالاي جانە قاشان بىتەتىنىنە قاتىستى وقىپ، نە ءتۇسىپ جۇرگەن ويلارىڭىز بولسا، تومەندە بولىڭىزدەر! بىرگە تالقىلايىق!
جولداس ءورىسبايدىڭ الەۋمەتتىك جەلىدەگى جازباسى
Abai.kz
