ونلاين بايقاۋ: «قازاقى تەرميندەردى حالىق جاسايدى»
قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرماسىمەن «ءتىل-قازىنا» ۇلتتىق عىلىمي-پراكتيكالىق ورتالىعى «قازاقى تەرميندەردى حالىق جاسايدى» اتتى رەسپۋبليكالىق بايقاۋ جاريالايدى.
بايقاۋ 2020 جىلدىڭ 1-18 ءساۋىر ارالىعىندا ونلاين رەجىمدە وتەدى.
بايقاۋدىڭ ماقساتى – ۇلتتىق تەرمينجاسامنىڭ وزەكتى ماسەلەسىن ءتيىمدى جولمەن شەشۋ، ءساتتى تەرمين ۇسىنۋشى ءتىل جاناشىرلارىن انىقتاۋ جانە قولداۋ.
رەسپۋبليكالىق بايقاۋ ەرەجەسى:
ءى كەزەڭ. بايقاۋعا قاتىسۋشىلار «ءوزىن-ءوزى تانىستىرۋ پاراعىن» (ۆيزيتتىك كارتوچكا) 1-5 ءساۋىر ارالىعىندا termincom2020@gmail.com ەلەكتروندى ادرەسىنە جولداۋى ءتيىس.
ءوزىن-ءوزى تانىستىرۋ پاراعىنىڭ ۇلگىسى
| اتى-ءجونى | جاسى | ءبىلىمى | ماماندىعى | بايلانىس تەلەفونى، ەل.پوشتا ادرەسى |
| تاسبولاتوۆ باقىت ولجاسۇلى | 25 | جوعارى | ينجەنەر | 8 701 .... |
بايقاۋعا قاتىسۋشىلار www.tەrmincوم.kz سايتىنداعى https://termincom.kz/alan ەلەكتروندى الاڭعا تىركەلىپ، 5-10 تەرمينگە بالاما ۇسىنۋى شارت.
ءىى كەزەڭ. 7-12 ءساۋىر ارالىعىندا وتەدى. مۇندا ءبىرىنشى كەزەڭنەن وتكەن بايقاۋ قاتىسۋشىلارىنا تۇرمىستا ءجيى قولدانىلاتىن 10 شەتتىلدىك تەرميننىڭ قازاق تىلىندەگى ءساتتى اۋدارماسىن جاساۋ تاپسىرىلادى. تاپسىرما https://termincom.kz/alan-دا 7 ءساۋىر كۇنى جاريالانادى. بۇل رەتتە باعالاۋ كوپشىلىك داۋىسى ارقىلى جانە قازىلار القاسىنىڭ پىكىرىمەن شەشىلەدى.
ءىىى كەزەڭ. 13-18 ءساۋىر ارالىعىندا وتەدى. سوڭعى اينالىمعا ەكىنشى كەزەڭنەن ىرىكتەلگەن ازاماتتار قاتىسادى. ولار بەلگىلەنگەن ۋاقىت ارالىعىندا ءماتىن ىشىندەگى سالالىق تەرميندەردىڭ قازاقى بالاماسىن جاساۋى ءتيىس (تەرمين سانى 15-20).
باعالاۋ:
قازىلار القاسى:
- تەرميننىڭ تەرمينجاسام ادىستەمەسىنە سايكەس بولۋىنا;
- تەرميننىڭ لەكسيكالىق، گرامماتيكالىق تۇرعىدان دۇرىس بولۋىنا;
- تەرميننىڭ قازاق حالقىنىڭ دۇنيەتانىمدىق، مادەني بولمىسىن تانىتۋعا ءۋاجدى قىزمەت ەتۋ دەڭگەيىنە;
- سالالىق تەرمينىڭ دەفينيتسياسىنىڭ اشىلۋىنا;
- تەرميننىڭ بارىنشا ءسوز تىركەستەرىنەن ەمەس جەكە سوزدەردەن جاسالۋىنا;
- ءتيىستى سالاداعى جوعارى قولدانىس دەڭگەيىنىڭ ىقتيمالدىعىنا ەرەكشە ءمان بەرەدى.
بايقاۋعا قاتىسۋشىلارعا قويىلاتىن تالاپتار:
- بايقاۋعا 18 جاستان اسقان ازاماتتار قاتىسا الادى.
- بايقاۋعا قاتىسۋشى ءوزىن تانىستىرۋ پاراعىن كورسەتىلگەن ەلەكتروندى ادرەسكە بەلگىلەنگەن ۋاقىتتا جولداۋى ءتيىس.
بايقاۋ قورىتىندىسى
بايقاۋ قورىتىندىسى 20 ساۋىردە https://tilalemi.kz/ سايتىندا جاريالانادى.
بايقاۋ جەڭىمپازدارى قازىلار القاسىنىڭ شەشىمىنە سايكەس ەلەكتروندىق ۇلگىدەگى ديپلوم، العىسحاتپەن ماراپاتتالادى.
Abai.kz
