بۇل تۋرالى ازاتتىقتىڭ تۇركىمەن قىزمەتى مەن Turkmenistan Chronicle سايتىنا سىلتەمە جاساعان "شەكاراسىز تىلشىلەر" حالىقارالىق ۇيىمى حابارلادى.

ازاتتىقتىڭ تۇركىمەن قىزمەتىنىڭ ءتىلشىسىنىڭ دەرەگىنشە، كوشەدە “كوروناۆيرۋس” ءسوزىن ايتقاندار ۇستالۋى مۇمكىن. بۇعان قوسا، پوليتسەيلەر قاراپايىم كيىممەن جۇرت اراسىنا كىرىپ، جۇرتتىڭ ءسوزىن تىڭداي باستاعان.

“تۇركىمەنستان بيلىگى راديكالدى تۇردە جۇرتقا “كوروناۆيرۋس” ءسوزىن ايتتىرماي ءوز حالقىنىڭ باسىن قاتەرگە تىگىپ وتىر” دەپ مالىمدەدى “شەكاراسىز تىلشىلەر”.

تۇركىمەنستان بيلىگى كوروناۆيرۋس جۇقتىرعاندار جايلى حابارلانبادى. بيلىك ەلدە 1 ساۋىردەن باستاپ قىزمەت كورسەتۋ ورتالىقتارىن، ساۋدا ورىندارىن، ناۋبايحانالاردى جاۋىپ جاتىر. مەكتەپتەردەگى دەمالىس ۋاقىتى سوزىلدى. بۇعان قوسا، كوشەدە جۇرتتىڭ دەنە قىزۋىن ولشەي باستاعان. ازاتتىقتىڭ تۇركىمەن قىزمەتىنىڭ دەرەككوزدەرى ەلدە كوروناۆيرۋس جۇقتىرعاندار سانى كۇننەن-كۇنگە ءوسىپ كەلە جاتقانىن، بىراق بيلىك حابارلاماي وتىرعانىن ايتادى.

Abai.kz