الماتى مەن نۇر-سۇلتاندا دەمالىس رەجيمى ءبىر اپتاعا ۇزارتىلدى
قر پرەمەر-ءمينيسترى اسقار ءماميننىڭ توراعالىعىمەن قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ سەلەكتورلىق وتىرىسى ءوتتى.
مەملەكەتتىك كوميسسيا كوروناۆيرۋس ينفەكتسياسىنىڭ تارالۋىن شەكتەۋ ماقساتىندا قىزمەتى ەكى مەگاپوليستىڭ تىرشىلىك ارەكەتىن قامتاماسىز ەتۋمەن جانە تۇرعىنداردىڭ دەنساۋلىعىمەن بايلانىستى ۇيىمداردى قوسپاعاندا، بارلىق كاسىپورىندار مەن ۇيىمدار ءۇشىن نۇر-سۇلتان جانە الماتى قالالارىندا كۇشىنە ەنگەن جۇمىسسىز رەجيمدى وسى جىلدىڭ 13 ساۋىرىنە دەيىن ۇزارتۋ تۋرالى شەشىم قابىلدادى.
ايتا كەتەيىك، 16 ناۋرىزدان باستاپ ەلىمىزدە توتەنشە جاعداي جاريالاندى. ال 19 ناۋرىزدا نۇر-سۇلتان مەن الماتى قالالارى كارانتينگە جابىلدى.
Abai.kz
