جۇمىسپەن قامتۋ مەن بيزنەستىڭ جول كارتاسى باعدارلامالارى بويىنشا ءار وڭىرگە كەمىندە 30 ملد. استام تەڭگە كولەمىندە قارجى بولىنەدى. بۇل الەمدەگى، ەلدەگى قالىپتاسقان ەكونوميكالىق احۋالعا قاتىستى جۇمىسسىز قالعان ازاماتتارىمىز ءۇشىن ءجۇز مىڭداعان جۇمىس ورنىن اشۋعا مۇمكىندىك بەرۋى ءتيىس.

بۇل جۇمىستار تيىسىنشە وڭىرلەردەگى توزىعى جەتىپ تۇرعان ينفراقۇرىلىمداردىڭ جاڭارۋىنا ۇلكەن ىقپال ەتەدى. ەڭ باستىسى وسى بولىنگەن اقشالار ۇرلانباي تيىنىنا دەيىن دىتتەگەن جەرىنە جەتسە دەيمىن. پارلامەنت قابىرعاسىندا مەملەكەت قارجىسىن جىمقىرعاندارعا قاتىستى قىلمىستىق جازانى بارىنشا قاتايتۋ تۋرالى ۇنەمى كوتەرىپ كەلەمىز. وكىنىشكە وراي مەملەكەت قارجىسىن تالان- تاراجعا سالعاندار ءۇشىن قولداناتىن جازالار ءالى دە بولسا جەڭىل.

وسىعان بايلانىستى ءبىز سينگاپۋر تاجىريبەسىن ۇلگى ەتىپ الۋىمىز كەرەك. كەزىندە جەمقورلىققا بەلشەسىنەن باتقان بۇل ازيالىق مەملەكەتتە سوڭعى وتىز جىلدىڭ ىشىندە سىبايلاس جەمقورلىق مۇلدەم جوق دەپ ايتۋعا بولادى. ويتكەنى ۇرىلارعا قاتىستى زاڭى وتە قاتال بولدى.

مۇرات باقتيارۇلى

Abai.kz