امان- ەسەن بولايىق. دەنساۋلىعىمىز مىقتى بولسىن! وسى ەكى تىلەۋدىڭ نەگىزگى قۇندىلىق ەكەندىگى ۇمىت بولعان ەدى. "ەڭ نەگىزگى قۇندىلىق ادام جانە ادامنىڭ ءومىرى" دەگەن ءسوزدى ويىنشىق ءتارىزدى كورە باستادىق! ادامنىڭ تۇپكى ءمان- ماعىناسى قۇنسىزدانا باستادى.

"كوروناۆيرۋستان كەيىن قوعام، ءومىر باسقاشا بولادى" دەپ جاتىر.
مەنىڭ باستى تىلەۋىم، قانداي وزگەرىس بولسا دا، بارشامىزعا كورۋگە جازسىن!
ءبارىمىز امان-ەسەن، باي- قۋاتتى بولايىق! سابىر ساقتاۋ ماڭىزدى.

كەشە بىرەۋلەر، "كارانتيندى سوزساق، ەلىمىزدىڭ ەكونوميكاسى باياۋلاپ قالادى" دەپ جاتىر. ادامداردىڭ ءومىرىن قورعاپ قالۋ ءۇشىن، كارانتيندى قانشا ۇزاققا بولسا دا سوزۋ كەرەك. ء"ار-ءبىر قازاق جالعىزىم!", ءار-ءبىر ازاماتتىڭ ءومىرى ءۇشىن كۇرەسۋ ماڭىزدى.

1. ەكونوميكالىق دامۋ ادامنىڭ يگىلىگىنە قىزمەت ەتۋى كەرەك!
ادام ەكونوميكاعا ەمەس، ەكونوميكا ادامعا قىزمەت ەتۋى شارت!
مىنە، نەگىزگى وزگەرەتىن پايىم وسى!

2.ءبىر-ءبىرىمىز ءۇشىن جاۋاپكەرشىلىك سەزىمى ارتۋى شارت! ءوزىمىز ءۇشىن كىشكەنتاي، بىراق، ماڭىزدى قادامدارعا بارا ءبىلۋ. الەۋمەتتىك جەلىدە ءبىراز ازاماتتار قيىن جاعدايعا قالعان قانداستارىمىزعا ءوز بەتىمەن، باسقا ءۇشىن جۇرەكتەرى اۋىرىپ، كومەكتەسىپ جاتىر. ىنتىماق پەن ىقپالداستىق وسىدان باستالادى. كىشكەنتاي، كەرەمەت، عاجاپ قادامدار!

3. ۇلت پەن مەملەكەت ءۇشىن ءار-ءبىر ازاماتتىڭ جاۋاپكەرشىلىگى سەزىمى.

4. ساياسي كوزقاراستان بولەك، پليۋراليزمنەن بيىك مەملەكەتتىك مۇددە بار، ەل شاڭىراعى تۇرعىسىندا بىرىگە ءبىلۋ مادەنيەتى قالىپتاسۋ كەرەك.

5. "جاقسى كورۋ", "جاقىن بولۋ", "يىق تىرەسۋ" دەگەن دالا دەموكراتياسىنىڭ قۇندىلىقتارىن جاڭعىرتۋ.

6. "كوپپەن كورگەن ۇلى توي" قۇندىلىعىن سەزىنىپ- ءبىلۋ. باسقانىڭ قۋانىشى ءۇشىن قۋانا ءبىلۋ.

7. ءبىر-بىرىمىزگە دەگەن جاناشىرلىقتىڭ ارتۋى. جاقىندىق قاجەتتى سەزىم.

8. بايلىق، دۇنيەقوڭىزدىق يگى ءىس ەمەس، قازىناڭدى حالىقپەن بولىسە بىلگەندە عانا سەنىڭ دە، يگىلىگىڭنىڭ دە قۇندىلىعى ارتادى.

9. بىرەۋدە قايعى-قاسىرەت بولعاندا كوپ بولىپ كومەكتەسۋ، كوتەرىپ الۋ.
جاقىنداسۋ، جاناشىرلىق تانىتۋ، تاپ بولىپ بولىنبەۋ، ۇلتتىق تىعىز ارالاسۋ.

10. يگىلىك دەگەنىمىز تەك قانا اقشا، ماتەريالدىق مەنشىك ەمەس.
يگىلىك دەگەنىمىز، ەڭ ءبىرىنشى، مەيىرباندىلىق، قايىرىمدىلىق.

11. "ەل اعالارى" حالىقپەن ەتەنە ارالاسىپ، ءوز ەلىنىڭ ىشكى ۇمىتتەرى مەن مۇددەسىن سەزىنۋى. حالىققا "توبەدەن", مەنسىنبەي قاراۋدى دوعارۋ.

12. قازاق ءتىلىنىڭ ورنى مەن ستاتۋسىنىڭ بيىكتەۋى. انا ءتىلدىڭ ميسسياسىنىڭ اسپانداۋى.

مەن فۋتۋرولوگ ەمەسپىن، بولاشاقتىڭ تاريحىن جازا الماسپىن. بىراق، بىزگە قاجەت جاڭا قۇندىلىقتار وسىلار.تەك قانا رۋحاني سالاداعى قاجەتتى وزگەرىستەر. الەۋمەتتىك رەفورماتسيا بولەك اڭگىمە.

ەرلان سايروۆتىڭ الەۋمەتتىك جەلىدەگى جازباسى 

Abai.kz