اتالعان كولەم سوڭعى ءۇش-ءتورت كۇندە ورىندالۋدا. بۇل تۋرالى ونلاين-كونفەرەنتسيا بارىسىندا وبلىس اكىمىنىڭ ورىنباسارى ساكەن شاياحمەتوۆ حابارلادى.

پاۆلودار وبلىسىندا مەديتسينالىق ماسكالارعا دەگەن سۇرانىس ناۋرىز ايىنىڭ سوڭىندا وسە باستادى. وكىنىشكە وراي، سول كەزەڭدە جەكە قورعانۋ قۇرالدارىنىڭ ءوندىرىسى تومەندەگەن ەدى. بۇگىنگى تاڭدا ايماقتاعى جاعداي ءبىر قالىپقا كەلىپ ۇلگەردى.

– ءبىز جوسپارلانعانداي تاۋلىگىنە 50 مىڭ ماسكا شىعارۋ كورسەتكىشىنە جەتتىك، سوڭعى ءۇش-ءتورت كۇن بويى اتالعان دەڭگەيدى ۇستاپ تۇرمىز جانە بولاشاقتا جىبەرمەۋگە تىرىسامىز، – دەپ حابارلادى وبلىس اكىمىنىڭ ورىنباسارى. – ولاردىڭ 20 مىڭى – ءبىر رەتتىك ماسكالار، 30 مىڭى- بىرنەشە رەتتىك. پاۆلودار قالاسىندا بىرنەشە رەتتىك مەديتسينالىق ماسكالاردى شىعارۋمەن «مەرۋسار ي ك» جشس-ءى  اينالسادى، ولارعا ءبىزدىڭ تىگىن تسەحتەرى مەن اتەلەلەرى، سونىمەن قاتار «نەفتەحيم LTD» جشس سياقتى ءىرى كاسىپورىندار كومەكتەسەدى. بۇل ماسكالار دارىحانالارعا جەتكىزىلىپ 60 تەڭگەدەن ساتىلادى، وعان قوسا ساۋدا ورتالىقتارىنا دا جونەلتىلەدى.  بىرنەشە رەتتىك مەديتسينالىق ماسكالار پاۆلودار وبلىسىنىڭ ءار قالاسى مەن اۋدانىندا تىگىلەدى. ايتا كەتۋ كەرەك، ءبىز «گلوريا فارم» كومپانياسىمەن 50 مىڭ دانا بىرنەشە رەتتىك ماسكالاردىڭ جەتكىزىلىمى بويىنشا كەلىسىم جاساستىق. ولاردىڭ ساتىلىمى ءدارىحانالار جەلىسىندە 170 تەڭگەدەن جوسپارلانعان.

سونىمەن قاتار،  ساكەن شاياحمەتوۆ توتەنشە جاعدايلار رەجيمى كەزىندەگى شاعىن جانە ورتا بيزنەستى قولداۋعا ارنالعان شارالار تۋرالى ايتىپ بەردى.  تىكەلەي زاڭگەرلىك تەتىكتەردىڭ جوقتىعىنا قاراماستان، ايماقتا شاعىن جانە ورتا بيزنەس وكىلدەرى ءۇشىن ءىرى جەكەشە جالعا بەرۋشىلەرمەن ساۋدا ۇيلەرىندەگى ورىندارى بويىنشا جالگەرلىك تولەمدەر  مولشەرلەمەسىن ازايتۋعا نەمەسە تولىقتاي تولەم الماۋعا كەلىسىم جاسالدى. مىسالى، وبلىس ورتالىعىندا بۇل «ارمان»، «ۆەرسال»، «بارىس»، «گۋلليۆەر»، «وتاۋ» جانە «سەنىم»، ال ەكىباستۇز قالاسىندا «بولاشاق»، «بولاشاق پليۋس» جانە «City Mall» ساۋدا ۇيلەرى.

– ءىرى ساۋدا ورىندارى ساناتىنا جاتپايتىن جالعا بەرۋشىلەرمەن جاعداي قيىنداۋ، سەبەبى جالگەرلىك تولەمدەر ولاردىڭ جالعىز تابىس كوزى بولىپ ەسەپتەلەدى،- دەدى وبلىس باسشىسىنىڭ ورىنباسارى. – بۇل ماسەلە بويىنشا ءبىر جۇيەلىك شەشىمگە كەلەمىز دەپ ۇمىتتەنەمىز، ازىرشە ولاردىڭ ارقايسىسىمەن جەكەلەي كەلىسسوزدەر جۇرگىزىپ، ءاربىر جاعدايدى جەكە قاراستىرۋدامىز.

بۇگىنگە دەيىن شاعىن جانە ورتا بيزنەس وكىلدەرىنەن بانكروت جاريالاۋ بويىنشا شاعىمدار تۇسكەن جوق. سونىن وزىندە ايماقتا شوب وكىلدەرىنىڭ 1 مىڭعا جۋىق جۇمىسكەرلەرى اقىسىز دەمالىستا وتىر. بۇل تج رەجيمىن ەڭگىزۋلۋ بارىسىندا جۇمىسىن توقتاقان كاسىپورىندار – ويىن-ساۋىق ورتالىقتارى، فيتنەس – جاتتىعۋ زالدارى جانە ت.ب. ولار قازاقستانداعى توتەنشە جاعداي كەزىندە بەرىلەتىن 42,5 مىڭ تەڭگە كولەمىندە الەۋمەتتىك كومەك الۋعا قۇقىلى.

Abai.kz