زەينەتاقى قورىن تاراتىپ، ءار ازاماتقا جيعان اقشاسىن دەپوزيت ەتىپ، ونى پەنسياعا شىققاندا عانا اي سايىن الاتىن ەتۋ كەرەك. سەبەبى، قازىرگى وكىمەتكە دە، زەينەتاقى قورىنا دا حالىق سەنبەيدى. ولار تالان-تاراجىعا سالىپ، ءىشىپ-جەپ شەتەلگە قاشىپ كەتۋى دە ابدەن مۇمكىن. قاشپاعان كۇننىڭ وزىندە قازىر قور ۇلكەن اپپارات قۇرىپ الىپ، قانشاما ادامدار تۇك بىتىرمەي وتىرىپ، جوعارى جالاقى الىپ وتىر. ولاردىڭ ەش پايداسىز شىعىندارى تىم كوپ. قىمبات كولىك مىنەدى، شەتەلگە، ەل ىشىنە ىساپارلارعا شىعادى ت.س.س.

ولارعا حالىق سەنگەن كۇننىڭ وزىندە سالعان اقشا قۇنسىزدانىپ تيىنعا اينالىپ بارادى. زەينەتكە شىققان كۇنى ول اقشا كۇلگە عانا اينالادى. سوندىقتان ءار ازاماتتىڭ ءوزىنىڭ اتىنا دەپوزيت ەتىپ اشىپ بەرسە، ونىڭ ءوسىمى بولادى، قۇنسىزدانۋدان از بولسا دا ساقتايدى.

جەمقورلار جەكە ادامنىڭ دەپوزيتىندەگى اقشاعا قول سالا المايدى. ول اقشانى سالىمشىنىڭ وزىنە دە بەتالدى الىپ جۇمساۋىنا رۇقسات بەرىلمەسىن.

تەك اركىم پەنسياعا شىققاندا عانا اي سايىن الاتىن ەتىپ قامسىز قارتتىقتى قامتاماسىز ەتۋگە بولادى.

قۋاندىق شاماحايۇلىنىڭ الەۋمەتتىك جەلىدەگى جازباسى

Abai.kz