شتاب-پاتەرى پاريجدە ورنالاسقان ۇيىم 8 ساۋىردە مالىمدەمە تاراتتى.
"الەمدە جۇزدەگەن قۇقىق قورعاۋشى جازىقسىزدان-جازىقسىز تۇرمەدە وتىر" دەپ مالىمدەدى FIDH ءتورايىمى ەليس موگۆە.
بۇۇ-نىڭ ادام قۇقىقتارى جونىندەگى جوعارعى كوميسسارى ميشەل باچەلەتتىڭ مالىمشەۋىنشە، ۇكىمەتتەر نەگىزسىز قاماۋعا الىنعاندار مەن جازىقسىز قۋدالانعانداردى بوساتۋى ءتيىس. كامەلەت جاسقا تولماعاندار، ميگرانتتار، بوسقىندار، ساياسي باقتالاستار، جۋرناليستەر، قۇقىق قورعاۋشىلار تۇرمەلەردەن شىعۋى ءتيىس دەلىنگەن مالىمدەمەدە.
ۇيىمنىڭ ۆەب-سايتىندا تۇرمەدە وتىرعان ونداعان قۇقىق قورعاۋشىنىڭ ەسىمى جاريالاندى. ولاردىڭ اراسىندا قىرعىز قۇقىق قورعاۋشىسى ءازىمجان اسقاروۆ تا بار. ول 2010 جىلى ەلدىڭ وڭتۇستىگىندەگى وقيعاعا قاتىسى بار دەگەن ايىپپەن ومىرلىك تۇرمە جازاسىنا كەسىلگەن.
كوروناۆيرۋس پاندەمياسى باستالعان ۋاقىتتا الەمنىڭ بىرقاتار ەلى، سونىڭ ىشىندە تۇركيا مەن باحرەين، تۇرمەدەگى تۇتقىنداردىڭ ءبىر بولىگىن بوساتتى. بىراق تەرروريزمگە قاتىسى بار ايىپتارمەن سوتتالعاندار بۇل تىزىمگە كىرمەي قالعان. FIDH قاماۋداعى قۇقىق قورعاۋشىلاردىڭ دەنى تەرروريزمگە قاتىستى جالعان ايىپتارمەن وتىرعانىن اتاپ ءوتتى.
Abai.kz
