اقش سەناتى قاۋىپسىزدىك شارالارىنا بايلانىستى ءوز قىزمەتكەرلەرىنە Zoom بەينە بايلانىسىن قولدانۋعا تىيىم سالدى، - دەپ جازادى Tengrinews.kz.

سونىمەن قاتار، Google كورپوراتسياسى دا ءوز كومپيۋتەرلەرىنەن Zoom باعدارلاماسىن بۇعاتتادى. بۇل تۋرالى Google-دىڭ قىزمەتتىك حاتىنا سۇيەنىپ BuzzFeed سايتى جازعان. اتالعان حات وتكەن اپتادا كومپيۋتەرىنە Zoom ورناتىلعان Google قىزمەتكەرلەرىنە  جولدانعان. ونىڭ سەبەبى - قاۋىپسىزدىك ەرەجەلەرىنە بايلانىستى بولعان.

«ءبىز ۇزاق ۋاقىتتان بەرى قىزمەتكەرلەرگە كورپوراتيۆتىك جەلىمىزدەن تىس جۇمىس ىستەۋگە رۇقسات ەتىلمەگەن قوسىمشالاردى پايدالانۋعا تىيىم سالاتىن ساياسات جۇرگىزىپ كەلەمىز»، - دەيدى Google وكىلى حوسە كاستانەدا.

ودان بولەك، تاعى بىرقاتار ءىرى كورپوراتسيالار دا Zoom قوسىمشاسىن پايدالانۋعا تىيىم سالدى. العاش باس تارتقان كومپانيالاردىڭ ءبىرى - يلون ماسك نەگىزىن قالاعان SpaceX. ولار بايلانىستىڭ بالاماسى رەتىندە سمارتفوندارعا سالىنعان ەلەكتروندىق پوشتا جانە بەينە قوڭىراۋلاردى پايدالانادى. ودان كەيىن Zoom-عا NASA تىيىم سالدى.

بۇرىن حابارلانعانداي، قىزمەتكەرلەردىڭ جاپپاي قاشىقتان جۇمىس ىستەۋىنە بايلانىستى Zoom-دى پايدالانۋشىلار سانى ءۇش ايدا 20 ەسە وسكەن. كۇن سايىن 200 ميلليون ادام Zoom قولدانادى. ال، كومپانيا جەتەكشىسى ەريك يۋاننىڭ ايتۋىنشا، نەگىزگى رەسۋرستار تۇراقتى جۇمىستى قولداۋعا باعىتتالعاندىقتان، كومپانيا ءتيىستى دەڭگەيدەگى قاۋىپسىزدىكتى قامتاماسىز ەتە المادى. ولار بۇدان بۇرىن Zoom قاتەلىكتەرىنىڭ ارتۋى قازاقستانعا قاۋىپ ءتوندىرۋى مۇمكىن دەپ جازعان بولاتىن.

ينتەرنەتتە ىسكەرلىك كەزدەسۋلەر، مەكتەپتەگى ءىس-شارالار مەن جەكە اڭگىمەلەر تۋرالى جازبالاردى قوسقاندا بىرنەشە مىڭ بەينە قوڭىراۋ جازبالارى قول جەتىمدى بولدى. كەيبىر پايدالانۋشىلار زومبومبينگ دەپ اتالاتىن شارالاردى ۇيىمداستىرۋدى ۇيرەندى. قاۋىپسىزدىك شاراسى ساقتالماعاندىقتان، ولار باسقا ادامداردىڭ كونفەرەنتسيالارىنا قاتىسىپ، ادەپسىز ىستەر جاساي باستاعان.

Abai.kz