قر سىرتقى ىستەر مينيسترلىگى «اق جول» پارتياسىنىڭ ۇسىنىسىن بۇۇ-نىڭ   جەمقورلاردىڭ وفشورلارعا جىبەرگەن حالىق اقشاسىن قايتارۋ جونىندەگى ارنايى توبىنا قاراستىرۋعا جىبەرەتىن بولادى. بۇل تۋرالى قر سىرتقى ىستەر ءمينيسترى م.تىلەۋبەردى پارتيا توراعاسى ا.پەرۋاشەۆتىڭ حاتىنا جولداعان جاۋابىندا حابارلادى.

بەلگىلى بولعانداي، وسى جىلدىڭ باسىندا بىرىككەن ۇلتتار ۇيىمى جەمقورلاردىڭ وفشورلارعا شىعارعان حالىق اقشاسىن قايتارۋ جونىندەگى ارنايى توپتار قۇراتىنى تۋرالى جاريالاعان  بولاتىن.

وسىعان وراي، «اق جول» قدپ دەپۋتاتتىق فراكتسياسى قر ءسىم-نە بۇۇ-نىڭ قۇرىپ جاتقان مۇنداي ارنايى توپتارىن مۇمكىندىگىنشە پايدالانۋدى، ياعني توپتاردى قۇرۋعا بەلسەنە قاتىسۋعا، سونداي-اق ونىڭ جۇمىسىنا پارلامەنت دەپۋتاتتارىن، وسى سالادا تاجىريبەسى بار «اق جول» دەموكراتيالىق پارتياسىنىڭ دا وكىلدەرىن قاتىستىستىرۋدى ۇسىنعان بولاتىن.

پارتيانىڭ وسى جىلدىڭ 5 اقپانىندا جاساعان دەپۋتاتتىق ساۋالىندا «جەمقورلىقتى جويۋ جانە حالىقتان ۇرلانعان ميللياردتاعان قاراجاتتى ەلگە قايتارۋ «اق جول» دەموكراتيالىق پارتياسىنىڭ باسىم باعىتتارىنىڭ ءبىرى. 2012 جىلدان باستاپ پارتيا بۇل ماسەلەنى وننان اسا دەپۋتاتتىق ساۋالدارىنا ارقاۋ ەتتى. «اق جول» قدپ فراكتسياسى كيپردەن (2013 جىلى), شۆەيتساريادان (2015 جىلى), «پاناما ءتىزىمى» (2016 جىلى) جانە «رايسكوە دوسە» (2017 جىلى) جاعدايلارى بويىنشا قازاقستاندىق قاراجاتتىڭ ەلگە قايتارىلۋىنىڭ ناقتى ماسەلەلەرىن كوتەرىپ كەلەدى»، دەپ اتاپ وتىلگەن.

ا.پەرۋاشەۆ «اق جول» دەموكراتيالىق پارتياسىنىڭ دەپۋتاتتارى وفشورلارعا شىعارىلعان حالىق اقشاسىن قايتارۋ ماسەلەسىن مەملەكەتتىك ورگاندارمەن عانا ەمەس ەۆروپارلامەنت مۇشەلەرىمەن جانە بريۋسسەل، تسيۋريح، پەكين، ريگا، سينگاپۋر جانە تاعى باسقا ەلدەردەگى ارىپتەستەرىمەن وتكەن كەزدەسۋلەردە تالقىلاعانىن دا جەتكىزدى.

اعىمداعى جىلدىڭ 16 ناۋرىزى كۇنى ا.پەرۋاشەۆ قر ءسىم-نە قۇرىلاتىن جوعارى دەڭگەي توبى ەرەجەلەرىنىڭ پروتسەدۋرالارى جوباسى بويىنشا ءوزىنىڭ ۇسىنىستارىن جولدادى. ونىڭ ويىنشا، اتالعان جوباعا قارجىلىق ەسەپتەن بولەك جەمقورلاردىڭ حالىقتان زاڭسىز ۇرلاعان قاراجاتتارىن انىقتاۋ جانە ولاردى شىعارۋ جولدارىنا توسقاۋىل قويۋ، سونىمەن بىرگە مۇنداي اقشالاردىڭ ەلگە قايتارىلۋ جولدارى مەن ناقتى ءىس-شارالارىن ازىرلەۋدى ەنگىزۋ قاجەت.

«اق جول» پارتياسىنىڭ جەتەكشىسى «قازىر ءدال وسى باعىتتاعى ماسەلە ماڭىزدى.  كەيبىر ەلدەردىڭ حالىقتان ۇرلانعان قاراجاتتاردى، سول حالىققا قايتارۋعا قىزىعۋشىلىق تانىتپايتىنى بايقالادى» - دەپ سانايدى. وسىعان وراي، ول «ماقساتتار»، «توپ شەڭبەرىندە بولۋى قاجەت:»، «پانەلدىك پىكىرتالاس قاتىسۋشىلارىنىڭ ءرولى» تاراۋلارىنا ءتيىستى ۇسىنىستاردى  ەنگىزۋدى ۇسىندى.

قر ءسىم-نەن كەلىپ تۇسكەن حاتتا بۇۇ-نىڭ اتالعان جۇمىس توبى 15 ادامنان قۇرىلاتىنى بەلگىلى بولدى. قاتىسۋشىلاردىڭ تەپە-تەڭدىگىن ساقتاۋ ماقساتىندا ازيا – تىنىق مۇحيتى اۋماعىنان 3 قاتىسۋشى عانا جۇمىس توبىنا كىرەدى.

«وسىعان وراي، توپ قۇرامىنا قازاقستاندىق وكىلدەردىڭ ەنگىزىلۋى مۇمكىن ەمەس» - دەپ حابارلايدى قر سىرتى ىستەر ءمينيسترى م. تىلەۋبەردى.

الايدا، قر سىرتقى ىستەر مينيسترلگى توپ قىزمەتىنىڭ جۇمىسىن قاداعالاي وتىرىپ، قازاقستان تاراپىنىڭ ۇسىنىستارىن توپتىڭ قاراۋىنا جىبەرۋدى جالعاستىرادى دەپ اتاپ ءوتتى.

«اق جول» دەموكراتيالىق پارتياسى جانە ونىڭ پارلامەنتتىك فراكتسياسى سايلاۋالدى باعدارلاماسىن جۇزەگە اسىرۋ جۇمىستارىن جالعاستىرۋدا.

Abai.kz