الداعى ۋاقىتتا اكىمدىكتىڭ رۇقساتىمەن ايەلدەر دە اسكەرگە بارا الادى. بۇل تۋرالى قر قارۋلى كۇشتەر باس شتابى باستىعىنىڭ ورىنباساراى سەرىك بورانباەۆ مالىمدەدى.

-مەنىڭشە، بۇل قازىرگى جاعدايدا قويىلعان مىندەتتەرگە بايلانىستى. اكىمدىكتىڭ وعان قۇقىعى بار. مۇندا شەكتەۋ جوق دەپ ويلايمىن. قايتالاپ ايتايىن، مۇنىڭ بارلىعى اكىمدىكتىڭ قۇزىرەتىندە. ەگەر ولارعا ءتيىستى ماماندىقتار بويىنشا ايەدەر قاجەت بولسا، ولار دا اسكەرگە شاقىرىلۋى مۇمكىن،- دەدى بورانباەۆ وكق-دەگى بريفينگتە.

ارنايى جيىندارداعى قازاقستاندىقتار دەزينفەكتسيا جانە قورعاۋمەن اينالىسادى. سونىمەن قاتار اسكەرگە شاقىرىلعاندارعا ارنايى اسكەري اتاقتار بەرىلۋى مۇمكىن ەكەنىن اتاپ ءوتتى.

«كەزەكتى اسكەري اتاقتار بەرىلەدى. بىراق ولار الىمداردى وتكىزۋ ناتيجەلەرى بويىنشا تاعايىندالادى. ءتيىستى كوماندا انىقتالىپ، ولاردىڭ ءوتىنىشى بويىنشا شەشىمدى جەرگىلىكتى اسكەري باسقارۋ ورگاندارى قابىلدايدى»، - دەدى ول.

اسكەرگە شاقىرۋ جۇمىستارى قازىردىڭ وزىندە نۇر-سۇلتان جانە الماتى قالالارىندا، الماتى، قىزىلوردا، پاۆلودار جانە اقمولا وبلىستارىندا قۇرىلدى. ول قازىر اقتوبە جانە اتىراۋ وبلىستارىندا جالعاسىپ جاتىر. جيىن 13 ساۋىردە شىمكەنت پەن قاراعاندى وبلىسىندا، ال 14 ساۋىردە سولتۇستىك قازاقستان وبلىسىندا، 16 ساۋىردە جامبىل وبلىسىندا جانە 17 ساۋىردە تۇركىستان وبلىسىندا باستالادى.باسقا ايماقتاردا جيناۋ ماسەلەسى قاراستىرىلۋدا.

ال، جۋىردا پرەزيدەنت ق.توقاەۆ اسكەري مىندەتتىلەردى ارناۋلى جيىندارعا شاقىرۋ تۋرالى قاۋلىعا قول قويعان بولاتىن.

Abai.kz