باس ءمۇفتي ناۋرىزباي قاجى تاعانۇلى پرەزيدەنت جانىنداعى ورتالىق كوممۋنيكاتسيالار قىزمەتىندە تىكەلەي ەفيردە وتكەن بريفينگتە قاسيەتتى رامازان ايىنىڭ باستالاتىن كۇنىن مالىمدەدى،- دەپ حابارلايدى قمدب.

باس ءمۇفتيدىڭ ايتۋىنشا، بيىل ورازا 24 ءساۋىر كۇنى باستالادى.

«قازاقستان مۇسىلماندارى ءدىني باسقارماسى ەلىمىزدەگى ىرگەلى زەرتتەۋ ورتالىقتارىنىڭ ءبىرى بولىپ تابىلاتىن ۆ.گ.فەسەنكوۆ اتىنداعى «ۇلتتىق عارىشتىق زەرتتەۋلەر مەن تەحنولوگيالار ورتالىعى» مەكەمەسىنىڭ عىلىمي مالىمەتىنە سۇيەنىپ، سونداي-اق كورشى وزبەكستان جانە قىرعىزستان مۇسىلماندارى ءدىني باسقارمالارىمەن كەڭەسىپ، رامازان ايىنىڭ باستالاتىن كۇنىن بەلگىلەدى.

شاريعات ۇكىمى مەن عىلىمي زەرتتەۋ جۇمىسىنىڭ قورىتىندىسىنا سايكەس، مۇسىلماندار اسىعا كۇتەتىن رامازان ايى بيىل ەلىمىزدە 24 ءساۋىر كۇنى باستالادى دەگەن شەشىم قابىلداندى» دەپ اتاپ ءوتتى قمدب توراعاسى ناۋرىزباي قاجى تاعانۇلى.

Abai.kz