وپەك+ قارارىنا سايكەس ۇيىم ەلدەرى مۇناي ءوندىرۋدى شەكتەۋى مىندەتتەلدى. دۇرىس-اق. بىراق قازاقستاننىڭ بۇعان قانداي قاتىسى بار؟

راس، كوروناۆيرۋستىڭ كەسىرىنەن الەمدە مۇناي باعاسى قۇلدىراۋدا. بىراق بۇل ماڭداعى نەگىزگى تارتىس رەسەي، اقش جانە ساۋد ارابياسى اراسىندا ورىن العان. سوڭعى رەتتە دە “قارا التىننىڭ” كۇرت ارزانداۋى رەسەيدىڭ وعاش ارەكەتتەرى ساۋديانىڭ اشۋىنا تيگەنىمەن بايلانىستى. باسقاشا ايتقاندا، مۇناي نارىعىن تىعىرىققا تىرەگەن پۋتين، ال ەندى ونى ەڭسەرۋدىڭ شىعىنىن قازاقستان دا كوتەرۋ كەرەك ەكەن. نەلىكتەن؟

جالپى، الگى وپەك+ ۇيىمىنا ءجون - جوسىقسىز كىرگەندىك سياقتى الەمدىك ساياساتتا رەسەيدىڭ سوڭىنان ەرە بەرگەندى قويۋ كەرەك. ءار نارسەگە ءوزىمىزدىڭ مۇددەمىز مەن كوزقاراسىمىز بولۋى شارت. ال ەندى قوراعا كىردىك ەكەن، ءتىپتى سونىڭ وزىندە ۇپايىمىزدى ساقتاۋ ءۇشىن كۇرەسكەن ءجون عوي. بىراق ول دا جوق.

مىسال رەتىندە وپەك+ كەلىسىمى اياسىندا قازاقستان مۇناي ءوندىرىسىن تاۋلىگىنە 390 مىڭ باررەلگە قىقارتاتىن بولسا، بىزبەن بىردەي وندىرەتىن مەكسيكا بولعانى 100 مىڭ باررەلگە قىسقارتادى. ناتيجەسىندە قىرۋار قارجىدان قاعىلامىز.

قايتادان نەلىكتەن؟ 

راسۋل جۇمالىنىڭ الەۋمەتتىك جەلىدەگى جازباسى

Abai.kz