بۇگىن ەڭبەكشىقازاق اۋدانىندا كوروناۆيرۋس دياگنوزىمەن تىركەلگەن العاشقى ناۋقاس اۋرۋحانادان شىعارىلدى. ول وبلىس بويىنشا اتالعان ىندەتتەن جازىلعان 7-ءشى ادام، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

ناۋقاستانىپ، جازىلىپ شىققان 59 جاستاعى ازامات - ەڭبەكشىقازاق اۋدانى ەسىك قالاسىنىڭ تۇرعىنى. ول 26 ناۋرىزدا وزبەكستاننان ۇيلەنۋ تويىندا بولىپ كەلگەن. 28 ناۋرىزدا شۇعىل مەديتسينالىق كومەك بريگاداسى ونى ەڭبەكشىقازاق اۋدانى، بايدىبەك بي اۋىلىنداعى اۋىلدىق اۋرۋحانانىڭ وبسەرۆاتسيالىق بولىمىنە جەتكىزگەن. ناۋقاسپەن قارىم-قاتىناس جاساعان 13 ادامنان اۋرۋحانادا ۆيرۋسولوگياعا تالداۋ الىندى. ولاردىڭ بارلىعىنىڭ ناتيجەسى تەرىس بولىپ شىقتى.

ناۋقاسقا 14 ساۋىردە قايتا جاسالعان تالداۋ قورىتىندىسى تەرىس ناتيجە كورسەتتى. پاتسيەنتتىڭ شاعىمى جوق، جاعدايى قاناعاتتانارلىق.
سونىمەن الماتى وبلىسىندا كوروناۆيرۋستەن جازىلعاندار سانى 7 ادام بولدى.

Abai.kz