دەنساۋلىق ساقتاۋ ۆيتسە-ءمينيسترى كامالجان نادىروۆ الماتى وبلىسىنىڭ قاسكەلەڭ قالاسىندا ورنالاسقان قاراساي اۋداندىق ورتالىق اۋرۋحاناسىن سىنعا الدى. ونىڭ ايتۋىنشا، اۋداندىق مەديتسينالىق مەكەمەسىندە ءتيىستى ساقتىق شارالارى قامتىلماعان.

ۆيتسە-مينيستر وڭىردەگى بىرنەشە اۋرۋحانالاردا بولدى. ونىڭ ايتۋىنشا، ولاردىڭ ارقايسىسىندا قاۋىپسىزدىك  شارالارى ءار ءتۇرلى دەڭگەيدە.

«مەن الماتى وبلىسىن مىسالعا كەلتىرەمىن. ءبىز قاراساي اۋدانىنىڭ ورتالىق اۋرۋحاناسىندا بولدىق. وكىنىشكە وراي، ساقتىق  جوق. كارانتين رەجيمى ەنگىزىلىپ، ەلدە توتەنشە جاعداي ەنگىزىلگەنىنە قاراماستان ءبىز اۋرۋحانالارداعى ادامداردىڭ تىنىمسىز قوزعالىسىن، ونىڭ ىشىندە ناۋقاستارعا سىرتتان قوناقتار كەلگەنىن كوردىك. بۇل وتە قولايسىز»، - دەدى دەنساۋلىق ساقتاۋ ۆيتسە-ءمينيسترى كامالجان نادىروۆ.

ەستەرىڭىزگە سالا كەتەيىك، الماتىدا 218 دارىگەر COVID-19 پاندەمياسىن ەمدەيدى. ولاردىڭ كوپشىلىگى 182 ادامدى قۇرايتىن ورتالىق قالالىق كلينيكالىق اۋرۋحانانىڭ قىزمەتكەرلەرى. قالعانى: قالالىق كلينيكالىق جۇقپالى اۋرۋلار اۋرۋحاناسىنىڭ 30 قىزمەتكەرى، جەدەل مەديتسينالىق جاردەم ستانتسياسىنىڭ 2 قىزمەتكەرى، №1 قالالىق كلينيكالىق اۋرۋحانانىڭ 1 قىزمەتكەرى جانە 11, 32, 12 قالالىق ەمحانالاردىڭ قىزمەتكەرلەرى بار.

قازىر دارىگەرلەردىڭ جاپپاي كوروناۆيرۋس جۇقتىرۋ فاكتىسى بويىنشا تەرگەۋ باستالدى.

Abai.kz