قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ رەسەيدىڭ تابيعي رەسۋرستار جانە ەكولوگيا ءمينيسترى دميتري كوبىلكينمەن ۆيدەوبايلانىس ارقىلى كەڭەس وتكىزد،-دەپ حابارلايدى قازاقپارات. 

م. مىرزاعاليەۆتىڭ سوزىنە قاراعاندا، وزەن باسسەيىندەرىن ساۋىقتىرۋ بويىنشا ەكى ەل عالىمدارىن جۇمىلدىرا وتىرىپ، ساراپشىلىق ورگاندى قۇرۋ شەشىمى جاسالدى. بۇل تۇرعىدا وزەن ەكوجۇيەسىن ساۋىقتىرۋ مەن سۋدىڭ اعىنىن زەرتتەۋ شارالارى قامتىلماق. وسى ورايدا ورگان قۇرامىن 20 ساۋىرگە دەيىن ايقىنداۋ تۋرالى ۋاعدالاستىق جاسالدى.

«جايىق پەن ەرتىس وزەندەرى باسسەيىندەرىن ەكو-ساۋىقتىرىرۋ بويىنشا باعدارلامانى جۇزەگە اسىرۋ تاقىرىبى دا تالقىلاندى. سونىمەن قاتار جايىقتىڭ گيدرولوگيالىق رەجيمىن زەرتتەۋ ماسەلەسى قارالدى. بۇل باعىتتاعى جۇمىستار قازاقستان پرەزيدەنتىنىڭ تاپسىرماسى بويىنشا جۇرگىزىلىپ جاتىر. وسى ورايدا بۇل شارالار قازاقستاندىق-رەسەيلىك ءتيىستى كوميسسيا اياسىندا جانداناتىن بولادى»، - دەپ جازدى م. مىرزاعاليەۆ.

بۇل تۇرعىدا وسى ۋاعدالاستىقتار ەكى ەلدىڭ سۋ شارۋاشىلىعىنداعى ىنتىماقتاستىعىن كۇشەيتىپ، ترانسشەكارالىق سۋلاردىڭ ەكولوگيالىق جاعدايىن جاقسارتادى.

Abai.kz