الماتى قالاسىنىڭ اكىمى باقىتجان ساعىنتاەۆ قوعام بەلسەندىلەرى جانە باق وكىلدەرىمەن كەزدەسۋدە 20 ساۋىردەن كەيىن جۇمىسىن جالعاستىرۋى مۇمكىن كاسىپورىندار تۋرالى ايتتى،-دەپ حابارلايدى قالا اكىمدىگى.

قالادا بارلىق تاۋەكەل توپتارىنىڭ پتسر ادىسىمەن جەدەل-تەستىلەۋ جانە تەستىلەۋ باستالدى. بۇل 193 مىڭ قىزمەتكەر, ياعني، ولاردىڭ قاتارىندا اسكەري قىزمەتشىلەر، پوليتسيا قىزمەتكەرلەرى، دارىگەرلەر، ەرىكتىلەر، جۇك جانە جولاۋشىلار كولىگىنىڭ جۇرگىزۋشىلەرى، تەمىرجولشىلار، ءىرى نىساندارداعى قۇرىلىسشىلار، ينتەرناتتار، ازىق-تۇلىك كاسىپورىندارى، تكش جانە ت.ب. قىزمەتكەرلەرى بار.

جۇقتىرۋدىڭ جاسىرىن وشاقتارىن انىقتاۋدىڭ جاڭا الگوريتمىنە سۇيەنە وتىرىپ، قالادا ەپيدەمياعا قارسى ءىس-شارالار كۇشەيتىلدى. باستى ماقسات – ەپيدەميولوگيالىق جاعدايدى تۇراقتى باقىلاۋدا ۇستاپ، جۇقتىرۋ دەڭگەيىن تومەندەتۋ بولىپ تابىلادى.

قالا اكىمى بۇگىندە كۇشەيتىلگەن كارانتين جاعدايىندا قالادا 210 مىڭ جۇمىس ورنىن قامتاماسىز ەتەتىن كاسىپورىندار مەن ۇيىمدار جۇمىس ىستەۋىن جالعاستىرۋدا، بۇل ەكونوميكادا جۇمىسپەن قامتىلعانداردىڭ 17%-ىن قۇراپ وتىرعانىن ايتىپ ءوتتى.

بۇل رەتتە قاتاڭ كارانتين كەزەڭىندە جۇمىسپەن قامتىلعانداردىڭ جالپى سانى 727,8 مىڭ ادامعا قىسقاردى. قاشىقتان جۇمىس ىستەۋ رەجيمىنە، قارجى سەكتورىندا، ءبىلىم بەرۋ، مەملەكەتتىك باسقارۋ، سونداي-اق، اقپارات جانە بايلانىس سالالارىندا جۇمىس ىستەيتىن 200 مىڭ ادام كوشتى. ناتيجەسىندە 300 مىڭعا جۋىق ادام ۋاقىتشا تابىسسىز قالدى.

«مەگاپوليستىڭ الەۋمەتتىك-ەكونوميكالىق ءومىرىن كەزەڭ-كەزەڭمەن قالپىنا كەلتىرۋ جوسپارىنا سايكەس ەكونوميكالىق بەلسەندىلىكتى قالپىنا كەلتىرۋ ءۇشىن ۇلكەن الەۋەتى بار جانە سونىمەن قاتار كوروناۆيرۋستىق ينفەكتسيانى تاراتۋ ءۇشىن ەڭ از تاۋەكەلدەرى بار سەكتورلار انىقتالدى. بۇل - قاجەتتى سانيتارلىق-ەپيدەميولوگيالىق تالاپتاردى ساقتاي وتىرىپ، 20 ساۋىردەن باستاپ ىسكە قوسىلۋى مۇمكىن ونەركاسىپ پەن قۇرىلىس سالالارى»، - دەدى قالا اكىمى باقىتجان ساعىنتاەۆ.

ونەركاسىپ سالاسىنداعى شەكتەۋلەردى الىپ تاستاۋ ناتيجەسىندە 42,2 مىڭ ادام وز جۇمىس ورىندارىنا ورالادى.

قۇرىلىس ماۋسىمىنىڭ باستالۋىنا وراي، سونداي-اق «جۇمىسپەن قامتۋدىڭ جول كارتاسى» جانە جاڭا جوبالاردى ىسكە اسىرۋعا باعىتتالعان «نۇرلى جەر» باعدارلاماسى اياسىندا 34,5 مىڭ جاڭا جۇمىس ورنىن اشۋ, اسىرەسە قۇرىلىس سالاسىندا، جوسپاردا بار. سونىمەن قاتار، اۋقىمدى قۇرىلىس جۇمىستارىنىڭ باستالۋىمەن جوبالاۋشىلار مەن ىزدەستىرۋشىلەرگە، ينجينيرينگتىك كومپانيالار (اۆتورلىق جانە تەحنيكالىق قاداعالاۋ), جوبالاردى ساراپتاۋ سياقتى ماماندار مەن قىزمەتتەر كاتەگوريالارىنا قاجەتتىلىك پايدا بولادى.

بۇدان وزگە قۇرىلىس سالاسىنىڭ ۇزدىكسىز جۇمىس ىستەۋىن قامتاماسىز ەتۋ ماقساتىندا كوتەرمە قۇرىلىس نارىعىن اشۋ قاجەت (قوسىمشا قورىتىندىسى بويىنشا 10,8 مىڭ ادام). وسىلايشا، وسى سالا بويىنشا جۇمىسپەن قامتىلعانداردىڭ سانى 45,3 مىڭ ادامعا ۇلعايادى.

بۇدان وزگە «بجك-2025» جانە «قاراپايىم زاتتار ەكونوميكاسى» باعدارلامالارىن ىسكە اسىرۋعا قاتىساتىن كاسىپكەرلەردىڭ كەپىل مۇلكىن مەملەكەتتىك تىركەۋ ءۇشىن نوتاريۋستار مەن حقكو قىزمەتىن قايتا باستاۋ جوسپارلانۋدا.

الدىن الا دەرەكتەر بويىنشا، 20 ساۋىردەن باستاپ جۇمىسپەن قامتىلعانداردىڭ جالپى سانى ءبىر اي ىشىندە 89,4 مىڭ ادامعا كوبەيەدى.

شەكتەۋلەردى كەزەڭ-كەزەڭمەن الىپ تاستاۋ قوعامدىق كولىكتەردى، سونىڭ ىشىندە ايالدامالار مەن مەترو ايالدامالارىن، كاسىپورىنداردىڭ وزدەرىنىڭ جۇمىس ورىندارى مەن حالىق كوپ جينالاتىن ورىنداردى جاپپاي زالالسىزداندىرۋمەن قاتار جۇرەدى.

ەكى ساعاتقا سوزىلعان ونلاين-كەزدەسۋدە الماتى قالاسىنىڭ اكىمى باقىتجان ساعىنتاەۆ قوعام بەلسەندىلەرى جانە باق وكىلدەرىنەن كەلىپ تۇسكەن ەڭ وزەكتى دەگەن 25 ساۋالعا جاۋاپ بەردى.

Abai.kz