ۆولەيبولدان دۋبايدا ءوتىپ جاتقان ەرلەر اراسىنداعى كلۋبتىق ازيا چەمپيوناتىندا «الماتى» كلۋبى شيرەك فينالعا شىعا المادى. «س» توبىندا ەكى رەت ۇتىلعان ەلىمىزدىڭ بيىلعى چەمپيونى ەندى 9-12 ورىندار ءۇشىن دوداعا تۇسەدى.
«الماتى» اۋەلى تايلاندتىڭ «رويال تاي» كلۋبىمەن كەزدەسىپ، 1:3 ەسەبىمەن جەڭىلىسكە ۇشىرادى. بۇدان سوڭ كاتاردىڭ «الارابي» اتتى كلۋبىمەن اۋەدوپ دوداسىنا ءتۇسىپ، ءۇش پارتيادا ۇتىلدى. تەك وزبەكستاننان كەلگەن اگمك كومانداسىنا 3:0 ەسەبىمەن الىمجەتتىك جاسادى. العاشقى ەكى ويىندا «الماتى» ساپىندا مارات يمانعاليەۆ ەرەكشە كوزگە ءتۇستى. ال سوڭعى ويىندا باپكەرلەر قۇرامى ويىنعا، نەگىزىنەن، قوسالقى قۇرامداعى جىگىتتەردى شىعاردى. ويتكەنى وزبەكستان كلۋبىنىڭ دەڭگەيى ءبىزدىڭ جىگىتتەرمەن سالىستىرعاندا الدەقايدا تومەن ەدى.
«س» توبىندا ءبىرىنشى ورىندى كاتار جىگىتتەرى يەلەندى. ولار قارسىلاستارىنىڭ ءبارىن ءۇش پارتيادا تىزەرلەتتى. كاتار قىراندارىنان عانا ۇتىلعان تاي تارلاندارى ەكىنشى ورىنعا يە بولدى. وسى ەكى كوماندا «ا» توبىندا ءبىرىنشى جانە ەكىنشى ورىندارعا يە بولعان ەكى كوماندامەن «ە» توبىنا ءتۇستى. قالعان ەكى توپتىڭ («ۆ» جانە «D») ءتورت ۇزدىك كومانداسى كلۋبتىق ازيا چەمپيوناتىن «F» توبىندا جالعاستىردى.

ۆولەيبولدان دۋبايدا ءوتىپ جاتقان ەرلەر اراسىنداعى كلۋبتىق ازيا چەمپيوناتىندا «الماتى» كلۋبى شيرەك فينالعا شىعا المادى. «س» توبىندا ەكى رەت ۇتىلعان ەلىمىزدىڭ بيىلعى چەمپيونى ەندى 9-12 ورىندار ءۇشىن دوداعا تۇسەدى.
«الماتى» اۋەلى تايلاندتىڭ «رويال تاي» كلۋبىمەن كەزدەسىپ، 1:3 ەسەبىمەن جەڭىلىسكە ۇشىرادى. بۇدان سوڭ كاتاردىڭ «الارابي» اتتى كلۋبىمەن اۋەدوپ دوداسىنا ءتۇسىپ، ءۇش پارتيادا ۇتىلدى. تەك وزبەكستاننان كەلگەن اگمك كومانداسىنا 3:0 ەسەبىمەن الىمجەتتىك جاسادى. العاشقى ەكى ويىندا «الماتى» ساپىندا مارات يمانعاليەۆ ەرەكشە كوزگە ءتۇستى. ال سوڭعى ويىندا باپكەرلەر قۇرامى ويىنعا، نەگىزىنەن، قوسالقى قۇرامداعى جىگىتتەردى شىعاردى. ويتكەنى وزبەكستان كلۋبىنىڭ دەڭگەيى ءبىزدىڭ جىگىتتەرمەن سالىستىرعاندا الدەقايدا تومەن ەدى.
«س» توبىندا ءبىرىنشى ورىندى كاتار جىگىتتەرى يەلەندى. ولار قارسىلاستارىنىڭ ءبارىن ءۇش پارتيادا تىزەرلەتتى. كاتار قىراندارىنان عانا ۇتىلعان تاي تارلاندارى ەكىنشى ورىنعا يە بولدى. وسى ەكى كوماندا «ا» توبىندا ءبىرىنشى جانە ەكىنشى ورىندارعا يە بولعان ەكى كوماندامەن «ە» توبىنا ءتۇستى. قالعان ەكى توپتىڭ («ۆ» جانە «D») ءتورت ۇزدىك كومانداسى كلۋبتىق ازيا چەمپيوناتىن «F» توبىندا جالعاستىردى.
«الماتى» كلۋبى مەن وزبەكستان ۆولەيبولشىلارى «ا» توبىندا ءۇشىنشى ورىن العان اۋعانستان ۆولەيبولشىلارىمەن بىرگە «G» توبىندا باق سىناۋى كەرەك بولاتىن. الايدا دۋبايعا اۋعانستان جىگىتتەرى كەلە المادى. ال وزبەكستان ۆولەيبولشىلارىن ءبىزدىڭ جىگىتتەر توپتىق ويىندا جەڭگەن بولاتىن. سوندىقتان ءۇش كۇن بويى 9-2 ورىندار ساراپقا سالىناتىن دوداداعى قارسىلاستارىن توسۋعا تۋرا كەلدى. «الماتىلىقتاردىڭ» قارسىلاستارى «H» توبىنداعى دودادا انىقتالۋى كەرەك بولاتىن. ال مۇندا كلۋبتىق ازيا چەمپيوناتىنىڭ العاشقى ساتىسىندا «ۆ» جانە «D» توپتارىندا ونەر كورسەتىپ، وسى توپتاردا ءۇشىنشى جانە ءتورتىنشى ورىن العان كوماندالار سىنعا تۇسكەن-ءدى. ناقتىراق ايتقاندا، «H» توبىندا يندونەزيا، ليۆان جانە مالديۆ ارالدارى جىگىتتەرى وينادى. مالديۆ ارالدارىنان كەلگەن كلۋب وسال ەكەن، بارىنەن ۇتىلدى. ءسويتىپ، ولار 13-ورىنعا تۇراقتادى. سەبەبى اۋعانستان جىگىتتەرى كەلگەن جوق، ياعني 13-ورىن ساراپقا سالىناتىن ماتچ وتپەيدى. ال ءبىزدىڭ جىگىتتەر بۇگىن يندونەزيانىڭ «ساماتور» اتتى كلۋبىمەن كەزدەسەدى. ويتكەنى «ساماتور» ليۆان چەمپيونىنان ۇتىلىپ قالعان بولاتىن. ءوز كەزەگىندە ليۆاندىقتار قازاقستان چەمپيونىنان ۇتىلعان وزبەكستاندىق اگمك كلۋبىمەن وينايدى. وسى ەكى ماتچتا جەڭىسكە جەتكەن كوماندالار 9-ورىن ءۇشىن تالاسادى، ال جەڭىلگەندەرى 11-ورىندى ساراپقا سالادى.
ءسويتىپ، بىلتىرعى كلۋبتىق ازيا چەمپيوناتىندا ەكىنشى ورىنعا يە بولعان «الماتى» كلۋبى بيىل ءارى كەتسە 9-ورىندى ەنشىلەمەك. نيكولاي روگوزين مەن رافاەل گيليازۋتدينوۆ جاتتىقتىراتىن قازاقستان چەمپيونى بيىل سەنىمدى اقتاي الار ەمەس. ال بىلتىر «الماتىمەن» فينالدا ويناعان يراننىڭ «پەيكانى» بيىل دا باس بايگەدەن ءۇمىتتى. يران چەمپيونى ازىرشە جەڭىلىستىڭ كەرمەك ءدامىن تاتپاي، جارتىلاي فينالعا شىقتى.
«الماتى» – «رويال تاي» – 1:3 (21:25, 20:25, 25:16, 22:25)
«الماتى» – «الارابي» – 0:3  (20:25, 19:25, 18:25)
«الماتى» – اگمك – 3:0 (25:16, 25:12, 25:18)

نۇرعازى ساساەۆ
«الاش ايناسى» گازەتى 23 ماۋسىم 2009 جىل