قازاقستاندىق Steppe and World باسپاسى اعىلشىن عالىمدارى مەن نەمىس يلليۋستراتورى اكسەل شەففلەردىڭ بالالارعا ارناپ دايىنداعان كوروناۆيرۋس تۋرالى كىتابىن قازاق تىلىنە اۋداردى.

كىتاپتا كوروناۆيرۋس دەگەن نە، ودان قالاي قورعانۋ كەرەك، ۇيدەن شىقپاي وتىرعان نەلىكتەن ماڭىزدى ەكەنى بالالارعا تۇسىنىكتى، جەڭىل تىلدە باياندالادى. بالالار ۇيدە وتىرعاندا جابىعىپ، مۇڭايىپ قالماۋى ءۇشىن كوڭىل كوتەرەتىن ويناقى تىلدە جازىلعان.

كىتاپتى دايىنداۋعا قاتىسقان ماماندار جۇمىسىنا اقى العان جوق.  Steppe and World باسپاسى دا تەگىن اۋدارىپ، تەگىن تاراتىپ وتىر.

اعىلشىن تىلىنەن اۋدارعان – نازگۇل قوجابەك، قازاقشا نۇسقاسىن قۇراستىرعان – رايسا سايران قادىر.

كىتاپتى مىنا سىلتەمە ارقىلى جۇكتەپ الىپ، تاراتۋعا بولادى: https://bit.ly/coronavirus-kaz

ەڭبەكتى الەم بالالارىنىڭ سۇيىكتى كەيىپكەرىنە اينالعان گرۋففالونى سالعان اكسەل شەففلەر جانە انگليانىڭ جۇقپالى اۋرۋ كافەدراسىنىڭ ماماندارى Nosy Crow باسپاسىندا ازىرلەپ شىعاردى.

Abai.kz