قازىر جاعداي قيىن، دەگەنمەن ۇكىمەت تاراپىنان بەرىلگەن بۇل ازىق-تۇلىكتەر بىزگە ۇلكەن كومەك بولدى. ءالى سونى پايدالانىپ جاتىرمىز. بۇل تۋرالى تالدىقورعان قالاسىنىڭ تۇرعىنى ارمانگۇل ءبىلال تىلدەسۋ كەزىندە ايتتى، دەپ حابارلايدى baq.kz.

ءۇش بالاسىن جالعىز ءوزى اسىراپ وتىرعان تالدىقورعان قالاسىندا پاتەر جالداپ تۇرىپ جاتىر. ونىڭ ۇستىنە ورتانشى بالاسى مۇگەدەك. ارمانگۇل قازىر جۇمىس ىستەمەيدى، مۇگەدەك بالاسىنا قاراپ ۇيدە وتىر. وسال توپقا جاتاتىندىقتان اكىمدىك بۇل وتباسىعا ازىق-تۇلىك جەتكىزىپ، قولداۋ كورسەتىپتى.

- العاش توتەنشە جاعداي جاريالانعان كەزدە اكىمدىكتەن ساۋلە امانعاليقىزى ءوزى ازىق-تۇلىك اكەپ بەردى. ونىڭ ءوزى ۇلكەن سەپ بولدى بىزگە. ول ازىقتىڭ قاتارىندا 25 كەلى ۇن، 15 كەلى قانت، ماي، كۇرىش، ۆەرمەشەل، قاراقۇمىق بولدى. بۇلاردى ءالى پايدالانىپ جاتىرمىز،- دەيدى جالعىزباستى انا.

ودان كەيىن اتاۋلى الەۋمەتتىك كومەك الاتىندار قاتارىندا بولعاندىقتان شاقىرىپ، تاعى ازىق-تۇلىك بەرىپتى.

- ءوزىم جالعىزباستى انامىن. ورتانشى قىزىم مۇگەدەك. ااك-ءتى وسى مۇگەدەك قىزىما بەرىپ وتىر. ءۇشىنشى قىزىم ەكى جاستان استى. سوندىقتان ااك بويىنشا بەرگەن ازىق-تۇلىكتە كىشكەنتاي بالاعا ارنالعان كاشالار بولدى. ياعني 1-3 جاس ارالىعىنداعى بالاعا ارنالعان،- دەيدى ول.

ءسوز اراسىندا ول، قازىر جاعداي قيىن ەكەنىن، دەگەنمەن ۇكىمەت تاراپىنان بەرىلگەن بۇل ازىق-تۇلىكتەر ۇلكەن كومەك بولعانىن ايتتى.

- بۇل ازىقتار بىزگە قانشا دەگەنمەن كومەك بولدى، ءالى سونى پايدالانىپ جاتىرمىز. نەگىزى جۇمىس ىستەمەيمىن، ورتانشى بالاما قاراپ ۇيدە وتىرمىن. پاتەردى دە جالداپ تۇرىپ جاتىرمىز. سوندىقتان قانداي كومەك بولماسىن بىزگە ۇلكەن قولداۋ،- دەيدى ارمانگۇل ءبىلال.

سونىمەن قاتار، ول Nur Otan  پارتياسى بەرىپ جاتقان قارجىلاي كومەكتەن دە ءۇمىتتى ەكەنىن ءبىلدىردى.

- "Nur Otan" پارتياسى مۇگەدەكتىگى بار ادامدارعا جانە مۇگەدەك بالاعا قاراپ وتىرعان وتباسىلارعا 50 مىڭ تەڭگە كولەمىندە قارجىلاي كومەك بەرىپ جاتىر ەكەن. وسىدان 5-6 كۇن بۇرىن الەۋمەتتىك ءال-اۋحات باسقارماسىنداعى ماماندارمەن سويلەسىپ، ول كومەكتى مەن الا الام با، ەگەر السام قۇجاتتى قايدا اپارىپ تاپسىرۋ كەرەك دەپ سۇرادىم. ونداعىلار ء"سىز بۇل سانتاقا كىرەسىز، قۇجاتتى ەشقايدا اپارۋدىڭ قاجەتى جوق، قاراجات شوتىڭىزعا تۇسەدى" دەپ جاۋاپ بەردى. تۇسپەس بۇرىن Nur Otan پارتياسىنان Bizbirgemiz دەگەن حابارلاما كەلۋ كەرەك ەكەن. قازىر سونى كۇتىپ وتىرمىن،- دەيدى جالعىزباستى انا.

ءسوز سوڭىندا ول كوروناۆيۋرس ىندەتىن تەك ۇيدە وتىرىپ قانا جەڭە الامىز دەگەن ويىن ايتىپ، حالىقتى كارانتين شارالارىن قاتاڭ ساقتاۋعا شاقىردى.

- قازىر ەلىمىزدىڭ باسىنا ۇلكەن قيىنشىلىق تۋىپ وتىر. بۇل قاۋىپتى ىندەتتى تەك وقشاۋلاۋ ارقىلى عانا جەڭە الامىز دەپ جاتىر عوي. سول ءۇشىن حالىقتان كارانتين رەجيمىن قاتاڭ ساقتاپ،  ينفەكتسيانىڭ تارالۋىنا جول بەرمەۋگە شاقىرامىن. تەك ۇيدە وتىرىپ، جاۋاپتى مامانداردىڭ ايتقانىن بۇلجىتپاي ورىنداساق كوپ ۇزاماي بۇل كۇندە وتەر،- دەيدى ا. ءبىلال.

Abai.kz