مەملەكەت باسشىسى رامازان ايىنىڭ باستالۋىمەن قۇتتىقتادى
مەملەكەت باسشىسى قاسىم-جومارت توقاەۆ رامازان ايىنىڭ باستالۋىمەن قۇتتىقتادى،-دەپ حابارلايدى akorda.kz.
بۇل – بۇكىل الەمدەگى مۇسىلمان قاۋىمى ءۇشىن رۋحاني جاڭارۋ مەن جاڭعىرۋ كەزەڭى.
رامازان ايىندا ءاردايىم ىرىس پەن ىنتىماق، ىزگىلىك پەن مەيىرىم سالتانات قۇرادى. وتىز كۇن ورازادا مۇقتاج جانداردى قولداپ، قايىرىمدىلىق كورسەتۋ يگى داستۇرگە اينالدى.
وكىنىشكە قاراي، بيىلعى رامازان ايى توتەنشە جاعداي كەزەڭىنە تۇسپا-تۇس كەلىپ وتىر. سوندىقتان جاماعاتتى قازاقستان مۇسىلماندارى ءدىني باسقارماسىنىڭ ۇسىنىمدارىن ورىنداۋعا، ىندەتكە قارسى كۇرەستە بىرلىك پەن جاۋاپكەرشىلىك تانىتۋعا شاقىرامىن.
ءبىز، قازاقستان حالقى، قانىمىزعا سىڭگەن قادىر-قاسيەتتىڭ ارقاسىندا كەز-كەلگەن سىناقتان ابىرويمەن وتەمىز دەپ سەنەمىن.
سىزدەرگە زور دەنساۋلىق، باق-بەرەكە جانە تولاعاي تابىس تىلەيمىن!
Abai.kz
